رســـالــة مــن الـــقــلــب

هناك .. علي الشط .. علي المايه ..

لمحت .. زهرة .. عربية ..

من بعيد .. كشمس جديده عليا ..!

قربت منها ..

وبالسحر وخداني ..!!

عيونها حلوة وعسلية ..!

خدودها حمره .. ورديه ..!

رميت عليها السلام والتحيه ..

ضحكت ..

ومدت إيدها وردت عليا التحيه ..

كلمسه ورده منديه ..!!

في يوم جديد عليكي .. وعليا ..

كلمتها .. مخدر جروح زمنية ..!!

قصتها .. كل الناس حبيتها ..!

وأنا كمان حبيتها ..

من ساعتها ..

وبأهديكي حبي .. وكلي ليكي ..

يا من كل الناس ..

قلوبها .. في إيديكي ..!!

ونصيحة .. مني ..

وأنا بوصيكي ..

نصيحة من .. حبيب ..

حبك .. لا هينسي سحرك ..

ولا نور عنيكي ..

ولا رقة شعورك ..

ولا لمسه إيديكي ..

وأخيرا .. بقولك ..

أهديكي حبي ..

والسلام عليكي ..

ومثل النهاردة .. نتقابل ..

في عام جديد ..

بكون جنبك .. بناديكي ..

وبعد عام .. رحت ..

في نفس المكان ..

هنــــــــــــاك ..

علي الشط .. علي المايه ..

أبحث وأدور ..

علي الورده المنديه ..

لقيت .. الناس ..

ماسكه كأس .. وسكرانه ..!!

ولقيت أيد .. من بعيد ..

جايه .. بتتمد عليا ..!!

الإيد محروقة ..

والعين مخروقة ..

والرجل ملويه ..

قلت إنتي مين ..

وعايزه أيه يا صبية ..؟

قالت أنا اللي الناس سابتني ..

قالت أنا اللي أنت في السنة الماضيه ..

حبيتني ...

وبإيدها علي صدرها ..

وبقوة ضمتني ..

قالت إنقذني من عذاب ظالم إعتدي عليا ..!!

جاني من بعيد .. وطمع فيا ..!

ضيع جمالي ..

وعمل جرح كبير ليا ..!!

هجم عليا .. بخلوتي ..

وأنا قاعده لوحدي .. بوحدتي ..

خارت قوتي ..!!

قطف زهرتي ..!!

وخد ريحتها ..

بدون شرعية ..!!!

واللي حبوني .. لما شافوني .. نسيوني ..

وقسوا عليا ..!!

وحتي قرايبي .. أمي .. وأبويا .. وأختي ..

وخالي وعمتي ساءت بيهم النية ..!!

سابوني تايهة لوحدي ..!!

مع موجه ..

جايه عليا ..!

بدفعة قوية ..!

وظلموني قرايبي .. وحبايبي ..

بـــــــــــــرغبتي ..

في اللي جري ليا ..

لكن ما يهمنيش ..

مادام عيسي ومحمد جنبي ..

وصدقوني .. هتلقوني ..

رجعت حقي بإيديه ..

وأغسل عاري .. وآخد بتاري ..

مع سهري في ليلي ونهاري ..

ويرجع جمالي وسحري ..

وعبير الـــوردة المــنديه ..

وأرجع لكم تـــاني ..

جمهورية مصر العربية

تسلم ايدك ياسمسم
رســـالــة مــن الـــقــلــب 388643

» مــن وســـوســ الـشــيــطــان