زغلول مطر
المدير العام
عدد المساهمات : 575
تاريخ التسجيل : 28/03/2010
العمر : 37
نقاط : 1719
الموقع : http://lmgtfy.com/?q=http%3A%2F%2Fwww-ibn-sina.blogspot.com%2F
 |  موضوع: موسوعه من اجمل النكت 2012  الأربعاء يونيو 27, 2012 12:33 pm | |
|
موسوعه من اجمل النكت يارب تعجبكم
نكت 2012
نبويه بتنادي بأعلى صوتها من البلكونه على جارتها: الحقوني حماتي عوزه تنتحر وترمي نفسها من الشباك !
قالت احدي جاراتها: وانتي مالك يا نبويه
قالت: الشباك ما بينفتحش
............ ......... ........
واحد حب يجامل ويدلع زوجته قال لها: انتي حمامه
قالت: لا أنا غزاله
قالها: المهم حيوانه
............. ......... .....
محشش سألوه ليش سمو قناة السويس بهذا الأسم؟؟؟
قال: لأن السفن تمشي بسويس بسويس
............ .......... ...
واحد بيقول لصاحبه: شايف الست اللى واقفة هناك دى ؟بتضرب كل يوم جوزها بالجزمة !!
قال له: وعرفت ازاى ؟؟
رد: اصلها مراتى
............ ......... .......... ..
واحد بيقول لصاحبه: انتهت على ايه الخناقة بينك وبين مراتك امبارح؟؟
رد: هه ....دى جت لغاية عندى وركعت قدامى !!
قال له يا سلام وقالت لك ايه ؟
قالت لى: اطلع من تحت السرير يا جبان
............ ......... ......... ..........
وحده وحشه اوى بتقول لجوزها يا راجل مش تصلح شباك الحمام عشان وانا بستحمه الجيران مايشوفنيش
قالها: خليهم يشوفوكى عشان يصلحوه على حسابهم
احد فلاح أشترى تلفزيون جديد أول ما شغله طلعله عالم الحيوان قال لأبنه روح يا ولا شيل الأريال من الزريبة
السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل
في واحد دلوووع اوي اتجوز وحده دلوعه اوي خلفو ولد سموه ياااااااااااااااااااااااااي
مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة
واحد راح لبتاع الخضار قال له عندك ملوخيه خضراء قال له اة قاله مفييش الوان منها
اتنين مساطيل راكبين سيارة صدمواواحد..فالسائق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات
-----------------------
واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد
مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها
مره واحد بلديتنا جاب عربيه اوتوماتيك راح قاطع رجله الشمال
مره مهندس خارج من بيته مراته بتقوله على فين العزم قالها فى اتجاه القوه
واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا
فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى .......فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول
محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب
اتنين اصحاب قاعدين ع القهوة ف واحد بيقول للتاني:اقولك على سر؟ التاني قاله قول سرك ف بير
الأول قاله:انا مزنوق ف عشرة جنية التاني دور وشه الناحية التانية وقال:ولا كأني سمعت حاجة
مرة واحد راح يعمل عملية انتحارية ........ فراح لجماعة وقالهم قالولوا
ماشى روح فى وسط جماعة اسرائيليين ولما تلاقى كتير حواليك قوم بالعملية
قالهم ماشى .... فراح واتصل بيهم قالهم فى 2 قالولوا استنى شوية .... قالهم
فى 5 قالولوا استنى شويه .......... قالهم فى عشرة قالولوا .... نفذ .
راح مطلع السكينة وقاتل نفسه .
مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء.
قعد أصحابه يشدوه و يضربوه علشان يبعد عن الحيطة ما عرفوش.
لحد ما ودوه المستشفى و لكنه مات. ......
تقرير الطبيب الشرعي: سبب الوفاة ضرب ادى إلى موت
مرة كان في واحد بلدياتنا ابنه تعب
وداه للدكتور وبعدين خرج الدكتور وقاله ابنك مات.....
ابنه: بابا انا عايش ما موتش....
بلدياتنا: اسكت انت.. يعنى هتفهم اكتر من الدكتور
التلميذ: بحبك يا ابله وعايز اتجوزك
المدرسه: بس انا مش بحب الاولاد الصغيرين
التلميذ: وانا مش مستعجل على الاولا
ههههههههههههههههههههههههههههههههه
مره طفل بلدياتنا راح للبقال
الطفل : عمو عندك الشيكولاته ام ربع جنيه ؟
البقال: ايوه عندى
الطفل: بكام ؟
ههههههههههههههههههههههههههههههههه
طفل كل يوم يروح للبقال
فى اليوم الاول
الطفل : عندك جبنه يا عمو ؟
البقال : ايوه يابنى
الطفل : طيب هاتلى حلاوه
فى اليوم التانى
الطفل : عندك بيبسى يا عمو ؟
البقال : ايوه يابنى
الطفل : طيب هاتلى عصير
البقال زهق وراح يشتكى لوالد الطفل
الاب : متزعلش . المره اللى جايه اضربه .. عندك عصايه ؟
البقال : ايوه عندى
الاب : اديله قلمين
ههههههههههههههههههههههههههههههههه
مره ولد بيسأل امه وهى حامل
الولد : ايه ده يا ماما
الام : ده اخوك يا حماده
تانى يوم الولد راح المدرسه
المدرسه بتسأله : انت ليك اخوات
الولد : ايوه كان ليا بس ماما بلعته
ههههههههههههههههههههههههههههههههه
البنت بتسأل امها هو بابا بيعوم يا ماما ؟
الام : بتسألى ليه يا حبيبتى ؟
البنت : اصلى سمعت بابا بيقول للشغاله انا غرقان فى حبك
ههههههههههههههههههههههههههههههههه
واحد سوداني اتجوز واحدة سودانية خلفوا ولد أشقر و عينيه زرقا سموه رجل المستحيل
واحد سكران فتح التلاجة لقي الجيلي بيترعش .. قاله ماتخفش حاخد عصير
واحد صعيدي حب يعمل روش كتب على الشومة أديداس
واحد مسطول لجاي لابس جزمة سودة و جزمة بيضة ..
صاحبه بيقوله ايه ياعم الشياكة دي...
قاله ايه رأيك عندي جوز زي ده بالضبط في البيت
واحد صعيدي عاوز يقتل مراته حطيلها مسدس في الشوربة
واحد صعيدي ماشي في الشارع لقى قشرة موز ... قال ييييه حتزحلق تاني
واحد أحول جه يعيط رجع
واحد صعيدي مات جاله خمس ملايكة اتنين يحاسبوه و تلاتة يفهموه
واحد صعيدي بيدهن الحيطة .. قالوله حط جرنال تحتيك .. قالهم لأ أنا كده طايل كويس
واحد صعيدي مراته بتقوله قوللي حاجة حلوة
قاللها بسبوسة
قالتله لأ قوللي حاجة تهزني
قاللها مرجيحة
قالتله يا راجل قولي كلمة تحسسني ان انا مراتك
قالها انت طالق
واحد أحول حس بالبرد و هو نايم , قام غطى أخوه...
واحد بخيل قوي بيموت بيسأل و لاده , فين أحمد ؟ قالوله هنا .. قالهم فين محمد قالوله هنا ؟؟ قالهم فين أمكم؟؟؟ قالوله هنا .. قالهم كلكم هنا و سايبين نور الصالة والع يا ولاد الكلب
حلاق راح السينما شاف فيلم سوالف النينجا ...
واحد مسطول ماشي في البيت خبط فأمه .. قالتله ايه ما شفتنيش .. قالها شفتك بس مش فاكر فين
واحد أعمى فتح من الفرحة اتشل
واحد صعيدي رجع من السفر لقى البيت مليان صراصير غير كالون البيت
فيل اتجوز فرخة خلفوا تشيكن فيليه
واحد بيقول لشيخ هو ينفع الصلاة من غير وضوء ...
قاله لأ ماينفعش طبعاً ..
قاله ايه رأيك جربت امبارح و نفعت
ديناصور بيقول لديناصورة هاتي بوسة
قالتله لأ
قاللها عشان كده احنا انقرضنا
واحد راح جنينة الحيوانات حط دماغه جوة قفص الأسد..
الحارس قاله ايه ده يا مجنون
قاله خلاص ياعم احنا حناكله
واحد بيقول لمراته عاوز النهاردة حاجة رومانسية
قالتله يعني ايه رومانسية
قاللها مش عارف بس احتياطي انقعي الرز
واحد ماشي في الشارع بيقول الله يخربيتك يا سمير
أمين شرطة ضربه على قفاه و قاله و كمان مش عارف اسم الريس يا ابن الكلب
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟
كان في جماعة عمال بيبنوا كنيسة و عمالين يقولوا
هيلا هيلا صلي ع النبي
جالهم القسيس قالهم ايه ده ماحدش يقول كده خالص
راح واحد منهم كتب على الحيطة (صلي ع النبي) و قال
هيلا هيلا بص ع الحيطة
واحد داست عليه عربية سيات مات م الضحك
مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،
قال له: بندجية ايه ياهريدي دي وطنك دي امك،
فراح للعسكري التاني قال له: ايه دي؟، قال له: دي ام هريدي يا فندم.
----------------------------------------------
مرة واحد بلدياتنا وقع فى حفرة نزلولوا حبل طلع مخنوق .
----------------------------------------------
مرة واحد بتاع سمك ابنه مات فماشى فى الجنازة يقول: كان صاحى وبيلعب .
----------------------------------------------
محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!
----------------------------------------------
مره واحد احول سجل في الجيش...... حطوه في قسم القصف العشوائي
----------------------------------------------
مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت
---------------------------------------------
مرة واحد راح السودان بالليل ملاقاش حد .
---------------------------------------------
سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه
---------------------------------------------
صومالى ركبه عفريت العفريت مات من الجوع
---------------------------------------------
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
--------------------------------------------
واحد سكران فتح التلاجه وبص للجلي ...وجده بيرتعش :قالوه متخفش هاخد عصير
-------------------------------------------
مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين
دكتور عيون قاعد مع خطيبته في حديقه الاسماك معاه ورده قالها شايفه الورده دي
يا حبيبتي قالت له ايوه فرجع ايده لورا شويه وقالها طب وكده
--------------------------------------------------------------
استضافوا ابو العربى فى برنامج من سيربح المليون فسأله جورج سؤال المليون
و كان السؤال الحج فريضة ام سنة فاندهش ابو العربى و قاله هاستعين بصديق ابن عمى غريب فى بورسعيد
فأتصل عليه وقاله السؤال، رد عليه ابن عمه وقاله اللى سالك السؤال ده مش فاهم حاجة !!!! فسأله ابوالعربى ليه؟؟ قاله لأن الحج اما قرعة أو سياحى
-----------------------------------------------------------------------------
رجل نساى اوى ذهب للحج وعند رمى الجمارات سال نفسه انا رميت اتنين ولا تلاته فاعاد رميهم مره اخرى
ثم ذهب للطواف فسال نفسه مره اخرى لفيت سته وله سبعه فاعاد الطواف
وعند نزوله من الطائره سال نفسه كنت بتعمل ايه يا جورج؟؟
--------------------------------------------------------------
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف
التلميذ: مايرجعش حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اقعد يا ابني انت متعرفش حاجه في الحساب
التلميذ: انت اللي ماتعرفش ابويا
-------------------------------------------------------------
واحد بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "خميس" وبعد ساعة رجع له الشاويش خميس وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء "فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين!! دا الشاويش "خميس" حيخرب بيتك.
--------------------------------------------------------------
واحد عصبي اتجوز واحده عصبيه, يوم الولاده... الولد بيقول للدكتور وسع إنت ..
إوعى إيدك ...أنا هأنزل لوحدي
--------------------------------------------------------------
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة
التاني قاله أنا غلب حماري
الأول قله: الدولة هي قطر ولما تحط نقطة حتصير قطز
أم التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟
--------------------------------------------------------------
مرة ولد صغير يروح كل للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى وطلعت عينه فقرر يشتكى لابو الولد. لما ابو الولد جه حكى له الحكايه قام قال للبقال "لا لا مايصحش الكلام دة ابدا اسمع انت معاك عصايه البقال قاله ايوة
!!قاله خلاص اضربه قلمين
--------------------------------------------------------------
اتنين مساطيل قاعدين يحششوا في المقابر ومرت جنازة فواحد منهم بيقول للتاني هي جنازة مين دي يا عبدو؟ فرد علية دي جنازة الشيخ محروس
فقال الاولاني يا حول الله
وتاني يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبدو؟ فرد عليه دي جنازة الشيخ محروس فقال الاولاني يا حول الله
> > >وتالت يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبدو؟ فرد عليه دي جنازة الشيخ محروس
فرد عليه هي الدنيا ملطشة معاه كدة لية
--------------------------------------------------------------
البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.
--------------------------------------------------------------
قابلت مذيعة اثنان مساطيل
سالت الاول : مصر بالنسبالك ايه ؟
فقال: مصر دى امى.
ثم سالت الثانى :وانت مصر بالنسبالك ايه؟
قال:مأدرش اتكلم عن أم واحد صحبى
--------------------------------------------------------------
مرة سيادة الريس حسني مبارك مد إيده في جيبه لقي 5 مليون جنيه!!
فزعل قوي وخاف وقال إيه الفلوس دي؟ دي الفلوس دي حرام؟
فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ
وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي
بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10
مرات.
الريس راح لقي عمنا عاطف عبيد فقال له: أنت بتعمل إيه هنا؟ أنت هتلف كام لفة؟
عمنا عاطف:78 لفة.
الريس: يخرب بيتك أنت؟ ده أنت خربت البلد!!
عمنا عاطف: أنت جاي علي انا؟ روح شوف علاء ابنك جايب موتوسيكل وبقاله 3 أيام
بيلف
--------------------------------------------------------------
واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية
ميه رميته بيها الاسد طلع يجرى رد عليه واحد من اللى قاعدين قاله صح انا قابلت
نفس الاسد ضربته بالقلم ايدى اتبلت
--------------------------------------------------------------
مره واحد بيقول لواحد صاحبه اسكت مش انا حماتى ماتت امبارح قاله لا حول الله يا
رب ماتت ازاى الست دى
قاله وانا واقف معاها فى البلكونه وقعت من الدور الخامس
قاله لا حول الله يا رب دى موته وحشه قوى
قاله لا ماهى ماوقعتش على الارض قاله
امال ماتت ازاى قاله وقعت على سلك الكهرباء
قاله يا ساتر يارب دى موته وحشه قوى ماتت من الكهرباء طبعا
قاله لا يا عم ماهى الكهرباء كانت مقطوعه
قاله امال ماتت ازاى بس
قاله اصل السلك نطرها فى حمام السباحه
قاله لا اله الا الله ماتت غرقانه
قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى
قاله امال انت بتقول ماتت ازاى
قاله اصلى لما زهقت قمت خانقها بس بقه يا عم
--------------------------------------------------------------
مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وتعرف ايه اللي جوه الدولاب.
وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه بيض ابيعها
--------------------------------------------------------------
واحد ضابط مظلات امه حلمها ما بيخيبش. كان عنده عرض أمام الوزير ...قالتله بلاش
تنط عشان أنا حلمت ان البراشوت مش هيفتح. المهم جه ينط ... خاف وافتكر فزميله
سأله أيه الحكاية؟؟ فلما قاله رد عليه زميله ...ولا يهمك خذ البراشوت بتاعي
وهات البراشوت بتاعك. نط صاحبنا وفتح البراشوات .أتفتح معاه شوية ولقى زميله
نارل بسرعة وبيصرخ .
الله يخرب بيت أمـــــــــــــــك
--------------------------------------------------------------
قردين واحد حظه حلو و التانى حظه وحش قاعدين مع بعض فى الغابه وجعانين أوى
فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد
تعالى نروح ناكل منها قاله ماشى..
لما وصلوا فاللى حظه حلو قال للى حظه وحش
استنا انت هنا انا هاطلع اهزلك الشجره من فوق وانت لم الموز ماشى ,ماشى و طلع هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه راح ماسكه رازعه حتة علقه وهربوا,
جم تانى يوم هايموتوا من الجوع قالوا: مابدهاش بئه راحوا وطلع اللى حظه حلو فوق وهز الشجره واللى حظه وحش تحت مسك اول موزه جه صاحب المزرعه راح ماسكه مبهدله وهربوا جه تالت يوم قاعين موحوحين قالوا ياروح مابعدك روح راحوا عالشجره فالمره دى اللى حظه وحش قال للى حظه حلو استنا انت هنا النهارده وانا هاطلع فوق.. ماشى؟, ماشى... وطلع فعلا وجه صاحب المزرعة هو وابنه،،
فابنه مسك القرد اللى حظه حلو فابوه قاله لأ سيبه دانا ضاربه يومين ورا بعض
هاتلى ابن الكلب اللى فوق ده
-----------------------------------------------------------
قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى
فارسلت لهم الاوقاف شيخا آخر وحذرته من الاطالة.
وصل الامام الجديد فدخل المسجد وصعد المنبر وحيّا المصلين وسأل:
اتعرفون قصة سيدنا يوسف عليه السلام؟
فرد المصلون كلهم: نعم .
فنظر الامام الى المؤذن وقال: اقم الصلاة.
ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟
فرد المصلون : نعم.
فقال لهم : ماتجوش الجمعة الجايـــة
--------------------------------------------------------------
اتنين مساطيل قاعدين في استاد القاهرة ، واحد بيقول للتاني :تقدر تلفلي الملعب
ده في اد ايه ؟
التاني : الفهولك في سجارتين
مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله
**************************************************
واحد غبى معدى على صوان وبيسأل هو فى ايه؟
فرد رجل وقال :ده اربعين واحد ميت
فقال الغبى/ نهار اسود 40 واحد ماتوا مره واحده
فقال الرجل:لأ ده واحد من اربعين يوم
فقال الغبى : ينهار اسود ولسه بتدفنوه النهارده
فقال الرجل : لأ دول دفنوه من اربعين يوم
فقال الغبى : ياه ولسه قاعدين لحد النهارده
**************************************************
مره واحد بلديتنا عايز يغلى اللبن حرق الجاموسه
**************************************************
مستهبل اتجوز مستهبله
جابوا ولد عمل نفسه ميت
**************************************************
مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى جوازكوا الخمسة و عشرين توديها الصين، أومال فى عيد جوازكوا الخمسين هتعمل ايه؟" فقالوا "هروح اخدها"
**************************************************
مسطول سأل واحده اسمك ايه؟ قالت : أسماء. فقال: يعني ما فيش اسم محدد
**************************************************
نكتة مقرفه شويه
*********
مسطول بيسأل صاحبه هو الزيتون له رجلين ؟؟ قال له : لا ... قال : يبقى انا أكلت خنفسه
************************************************** *
واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده
************************************************** *
في واحد راح يغير أنبوبة بوتاجاز قال لامه ادعيلي قالته روح يابنى ربنا يفتحها فى وشك
************************************************** *
الأول:- نقط بخمسة جنيه و ضرب طلقة رصاص
الثانى:- نقط بعشرة جنيه و ضرب طلقتين
الثالث:- نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة!!!
************************************************** *
ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش
************************************************** *
مرة واحد احول قدم في الجيش عينوه في القصف العشوائي
************************************************** *
واحد سنانه كلها واقعة ما عدا النابين عين علي وظيفة عينوه خرامة
************************************************** *
واحد صيني وقع اتكسر
************************************************** *
واحد رخم نزل الشارع وقف قدام عمود ... قالوه عديني
************************************************** *
واحد أعمى فتّح ... من الفرحة اتشل
************************************************** *
مره واحد صعيدى قابل واحده اجنبيه
سالها : انتى منين
قالتله: وات ؟ what ?
قالها: اجدع ناس الوتاوته
************************************************** *
فى مره واحد صعيدى زغزغ ابنو خرم بطنو
************************************************** *
قابلت مذيعة اثنان مساطيل سالت الاول : مصر بالنسبالك ايه ؟ فقال: مصر دى
امى. ثم سالت الثانى :وانت مصر بالنسبالك ايه؟قال:مأدرش اتكلم عن أم واحد صحبى
**************************************************
كان فيه أمريكي وبريطاني وعراقي في مقهى .....
شرب الأمريكي وفجأة قذف كوبه في الهواء وسحب مسدسه واطلق وكسر الكوب وقال : في امريكا الاكواب عندنا رخيصه لهذا لانحتاج ان نشرب من نفس الكوب مره اخرى
وشرب البريطاني وفجأة قذف كوبه في الهواء وسحب مسدسه واطلق وكسر الكوب وقال في بريطانيا يوجد رمل كثييير لصناعة الاكواب لهذا نحن ايضا لانحتاج ان نشرب من نفس الكوب مره اخري
اما العراقي كان هادي وبارد لأبعد حد ... شرب القهوة وفجأة قذف كوبه في الهواء وسحب مسدسه وأطلق النار على الأمريكي والبريطاني وقال :في بغداد عندنا امريكان وبريطانين كتير لهذا لانحتاج ان نشرب القهوة مع نفس الأشخاص مره اخرى
*************************************************
مره واحد بارد قوى ركب اتوبيس شاف بنت حلوه قعده بصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى
*************************************************
مستنى الردووووووووووووووود
**************************************************
-سئلوا صعيدى : ليه قتلت أبوك
كانوا عاملين رحلة للأيتام , كنت عايز اروحها
طب ليه قتلت عمك ؟
كنت عايز ابن عمى يسافر معايا
طب ليه كنت عايز تنتحر
أصلهم لغوا الرحلة
****************************************
-صعيدي سافر امريكا شرب من حنفية اوتوماتيك معرفش يقفلها قام رجع ف اول طيارة لمصر..قام سالوا: ازي امريكا؟ قالهم :اسكتو زمانها غرقت يا بوووي..
*****************************************
واحدصعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشى وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدى متخدها بكعب هو انت الى حتلبسها قال لع من غير كعب هو انت الى حتنضرب بيها
****************************************
واحد بلدياتنا لقى مصباح علاء الدين ،طلعله العفريت
شبيك لبيك عبدك ملك اديك تطلب ايه
عايز كوبري طوله 1000 كيلو يوصل بين الشرق والغرب
لأ دي صعبه أوي شفلك طلب تاني
طب عايز الصعايده كلهم يبقول أذكيا
انت قلتلي الكوبري رايح جاي والا رايح بس؟!
*********************************************
سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ
*********************************************
واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور
***أجمل ما في الخطوبة العزومات الرومانسية.. على أحلى محلات أكل فى البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك
مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته
واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع
واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين
واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر
واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة
واحد راح يشتري بيتزا فالراجل بتاع البيتزا بيقوله : اقطعه اك أربع قطع ولا تمانية يابيه ؟؟؟؟ ..قام قال له ثمانية .. عشان جعان قوى
مدير شركه سجائر مستورده قابل مدير شركه سجائر محليه فقال له ، انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا .....يعنى ايه تبغ!!!!!؟؟؟؟؟؟
مره واحد بيقول لمراته انا بحب فيتراك اوى قالت له وانا بحب سمير اوى قالها ياوليه فيتراك ده مربى قالت وسمير ده عسل
واحد ماشي في الصحراء شاف واحد قاعد علي صخره وبيعمل فوووووووووو فوووووووو ... سابه ومشي ... و شويه شاف واحد تاني قاعد علي صخره وبيعمل عن عن عن عن ...... سابه ومشي... و شوية شاف واحد قاعد على صخرة بس ساكت ، قال له قاعد كدا ليه ؟؟؟؟ ده في اتنين مجانين قاعدين يعملوا فوووووو وعن عن عن ورا ، راح قال له ايه دا هما قربه ؟؟ فووووووووووووووووووووووووووووووووو
واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت
واحد بخيل جدا ... عنده ثلاث تفاحات ، فتح الاولى لقى فيها دود ... فتح التانية لقى فيها دود ... وصل للثالثة طفا النور و أكلها
جماعة اغبية عملوا أتوبيس يمشى بالعرض .... عشان يركبو كلهم قدام
واحد غبى عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى 500 .......... فمكدبش خبر... وأول ما الدنيا ليلت راح للسرير وبدأ يعد .. واحد .. اثنين .. ولما وصـل للــــ 199 ... جـاه النوم … راح قـيام بسرعة وغـسـل وشه ورجــع للـسـريـر يـكـمـل
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل مش حيتعشى
في قط سكر ونام جنب قطه ميت ....... لما فاق وشاف القط ميت جنبه ، قال انا حاسس اني هعمل جريمه
بخيل اخذ ابنه الى السوبر ماركت، اخذ الولد بسكوت وشوكلاته قال يابابا
بحبه قال الاب بوسه ورجعه.
انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة.
واحد اخذ الدواء قبل ميعاده ليه؟؟؟ علشان يفاجئ الجراثيم.
مرة واحد بيحلم كل يوم بماتشات كتاكيت... راح للدكتور... فقاله هديلك
حقنة دلوقتي ومش هاتحلم بيهم تاني خالص... قاله
خليها بكرة يا دكتور علشان النهاردة ماتش النهائي.
واحد بتاع فيديو جيم مات كتب علي قبره جيم أوفر.
مرة حرامى دخل على واحد مسطول البيت قالو هات فلوسك و الا هقتل مراتك قام الرجل
قعد يضححححك...الحرامى قتل مراته وقاله هات الفلوس قبل ماقتل ابنك الرجل قعد يضححححك....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر.
واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له
يا سكران راح قايل لها طب أنا سكران حفوق بكرة .. وانتي ؟؟.
عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيها التاني قالوه ماينفعش كدة تجيبلك أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلها صاحبه قاله ماتت و أنت بتغسلها قاله لا ماتت و أنا بعصرها...
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام..
مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا
80 وانتوا ؟ قاله: إحنا السواق مجاش....
واحد بيسأل خطيبته : حد قبلي لمس يدك ؟ سكتت قالها : زعلتي قالت
لا : بأعدهم ....
عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده ....
مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله..
خبيث دخل أحد المطاعم وطلب طبق فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج
ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم ومش معاه فكة فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الخبيث قرش من جيبه ورماه فوق ال( 12)
قرش وقال للجرسون كمان واحد فول لو سمحت..
اتنين سكرانين ماشيين...فواحد قال للتاني:لما أموت ابقى اشرب لي الكاس
بتاعي ....فصاحبنا مات ، وبعد كام يوم التاني راح البار وطلب كاسين... قاله:
ايوه بس انت لوحدك.... فحكى له على الموضوع .....وبقى كل يوم يشرب
كاسين...لحد ما فى يوم طلب كاس واحد ........الراجل قالوه اشمعنى...قاله:
اصل انا بطلت اشرب......
مرة اربع صعايدة داخلين امتحان فجلهم سؤال فى الامتحان وهو كام
عدد ارجل المعزة فكلهم سألو صاحبهم حسنين وما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع المعزة ....
صعيدى راكب تاكسى السواق نزل يحيب علبة سجاير لاقاة خلع عصاية
الفتيس سالة لية خلعتها قلة شفتك عمال تلخلخ فيها قلت لما اشلهالك علشان متتعبش....
تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه ..
مرة وحدة جوزها تاه راحت القسم فبتقوله ياباشا انا جوزى تايه فقالها قوليلى مواصفاته فقالتله عنيه خضرة شعره اصفر طويل ابيض حليوة فراح ابناها قالها لاء ياماما دية مش مواصفات بابا فردت عليه امه وقالتله اسكت ياواد يمكن يجبولنا واحد احسن منه..
مرة واحد راح يزور صاحبة فى المستفشى وبعد ما زارة حب يروح الحمام بس مكنش يعرف مكانة قال يسال سال واحد بطىء اوى فى الكلام بيقولة اروح الحمام ازاى لو سمحت التانى قالة
ااااممممممممششششششىىىىى طططوووااالللى ووواااححححووود ييييممممميييييننن فففففىىىىى شششششمممممااااااللللل ههههتتتلالالاققققىى طططرررقققة ااااالللللححححممممماااام فففففىىىى ااااخخخخررررههههااا
رد علية الراجل وقالة اااااننا خخخلالالالالاصصصص عععععممممملللللتتتتهههههااااااااااااااا
تاجر بانجو اتقدم لى بنت اهلها سألوه شغال ايه قالهم فنى تكييف
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س
قام وزير التعليم بزيارة منطقة في الصعيد دبحولو مدرسة
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لا
قاله: طب اخرس
سرعة العربية عمالة تزيد فواحد تأني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لا
قاله: طب اخرس
السواق عمال يجري فواحد تأني
ياعم أنت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجعش راحوا
يدوروا عليه لقوه شايل تمساح صغير و بيغني له بابا فين ؟؟
صعيدى أخذ شهادة دكتوراه فقال لزوجته والله ماخبرشى ليه
الناس بيضحكوا على الصعايدة أدينى جبت الدكتوراه. فقالت
له زوجته: دق على الخشب عشان العين. فدق على
الخشب. فقالت الزوجه مين على الباب؟ فقال الزوج: خليكي
انا حاشوف مين
مرة بدوي قال لأبوه: عايز آخذ نوكيا قال له:على جثتى
حتاخد بنت عمك
بدوى اول مرة يشوف فلبيني قال يا بخته هذا شبعان نوم
اتنين صعايدة بيلعبوا شطرنج الملك مات مشلول
مرة صعيدي طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟
مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته
. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
· مرة مدرس رياضة اتجوز مدرسة رياضة خلفوا ولد متساوى الساقين
· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد
· هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه
· زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله
· واحد أحول راح يجيب أبوه من المطار باس الشنطة وشال أبوه
· مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة
· تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع
· مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك
· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك
· اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى
· محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق
واحد ندل فتح مصنع بيبسي كتب على كل علبة : رج جيدا قبل الفتح
· بلديات فتح محل انابيب غاز .. فجّر اسطوانتين فى وسط البلد .. دعاية
· واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر
ثعبان نظره ضعيف يوم ما حب واحده..... طلعت خرطوم
· بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها
· بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!
· واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور
· واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
واحد بلدياتنا دخل الجيش بيسأل زميله إنت من دشنا...فقاله: لأ رد بلدياتنا: يبجى إنت من ديش العدو... و راح طاخه عيارين
واحد بلدياتنا شال جرس الباب وركب فيبريشن
واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم
فيل ضخم كل يوم يمر على مملكة النمل يهدها، النمل اتفق عليه قالوا : حنستخبى له فوق الشجر و أول ما يعدى نقفز عليه و نقرصه لحد ما نقضى عليه المهم الفيل مر راح النمل قفز عليه الفيل حس بيهم راح خابط زلومته شمال وقع نصهم و راح خابط يمين وقع النص التانى و مفضلش غير نمله واحده فكل النمل واقف تحت يهتف لها اخنقه يا فوزى
مرة واحد بلدياتنا اشتري تاكسي وماشي بيه ومبسوط واحد واقفه وقاله تاكسي يااسطي قال له ايوة تاكسي وكمل مشي
تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!
واحد بلدياتنا عداه العيب خد اللي وراه*
مرة أتنين صحاب راحوا للحلاق واحد حلق والتاني غويشه*
واحد اصلع خلف ولد سماه شعراوى *
مرة واحد اكل رز معمر ضرب في وشه*
مرة واحد راح الجهاديه طلع من الجهة التانيه*
فرخة استحمت بهد اند شولدر باضد بيضة من غير اشرة*
مرة أتنين قرع أتخانقوا على مشط *
مرة مدرس كيمياء خلف عيل سماه سامى اكسيد الكربون*
مرة أتنان بلدياتنا حبوا يسرقوا بنك سرقوا بنك الدم *
مرة واحد بلدياتناوقع فى حفرة نزلولوا حبل طلع مخنوق*
واحد احول امه ماتت دفن ابوة *
مره واحد بيحب يمشى ويمشى مبيحبوش*
واحد بلدينا حط حجرين للراديو المذيع انسطل*
مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك*
مرة واحد بلدياتنا جات طوبة في صدرة بص وراة *
مره واحد احول بيعاكس واحده حوله بيقولها والله انتوا الاتنين احلى من بعض انتو الاتنين زى الامر فاتعصبت وقالت :جرىايه ياشله قليله الادب
واحد بلديتنادخل على واحدصحبه لقاه بيلعب دومينو مع ال**** قاله ياراجل بتلعب دومينو مع ال**** قاله ال**** الى مش عجبكده غالبنى عشرين دور
مرة واحد كان نفسه يعمل حاجة الناس تفتكره بيها
ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه
هژںه¸–هœ°ه€: منتدى نور الدنيـا [عزيزي الزائر يتبقى لديك خطوة واحدة لتتمتع بجميع خواص المنتدى . ]
واحد بلدياتناغنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 **** وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليزنوبليز (no please)
نشر رجل سطر فى اعلانات مبوبه:مطلوب زوجه و تانى يوم جاله ميت جواب فيهم نفس الرد:تاخد بتاعتى؟
مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشانأبويا مايخدش باله فصاح القهوجي وقال وعندك واحد بيره فى فنجان شاي وصلحووووووووووووو
مره واحد ابنه بلع فتاحة فكلم الدكتور و قال له ابنى بلع فتاحة فقاله الدكتور اقلبه لحد مأجى و بعدين الرجل كلم الدكتور و قالهماتجيش أنا لاقيت فتاحه تانيه
كان فيه قرية كلها أغبياء وكان فيها حفرة كل الناس بتوقع فيها وبتتعورالعمدة جمع أذكى 3 فى القرية عشان يحلوا المشكلة أول واحد … إحنا نبنى مستشفى بجانب الحفرة الى يقع يدخل يتعالج العمدة …. أنت غبي آوى تانى واحد ….. إحنا نجيب إسعاف بجانب الحفرة الى يقع الإسعاف تشيلة للمستشفى العمدة …… أنت اغبى منة الثالث ……. يا حضرة العمدة إحنا نردم الحفرة دى ونعمل واحدة ثانية جنب المستشفى
مرة واحد راح للدكتور قال له يا دكتور لما احط ايدى على عينى ما بشوفش حاجة الدكتور عملة عملية خرملة ايدة
راجل متجوز عنده دولاب فى البيت ممنوع أى حد يفتحه غيره مراته حيقتلها الفضول عاوزه تعرف الدولاب فيه ايه؟ لكنالرجل مش مديها أى فرصة، المهم فضلت طوال عشرين سنه منتظره الفرصه لحد ما فى يوم نسى يقفل الدولاب و نزل ففتحتهفلقيت عشرين ألف جنيه و بيضتين فجريت على جوزها وسألته عن سر الموضوع ده و أصرت انها تعرف فقالها اقولك بستوعدينى انك تسامحينى، قالت أوعدك، فقالها الصراحه انا كنت كل ما أخونك أجيب بيضة و أحطها فى الدولاب، فالست قالت فىنفسها مرتين خيانه فى عشرين سنه ماشى سامحتك بس العشرين ألف جيه دول بتوع إيه قال لها ابدا أنا كنت كل ما اكمل كرتونه أبيعها
واحد بخيل ابوه مات فراح يعمل نعى فى الجرنان
فقالهم :أقل حاجه عندكم ايه
قالوا له : سطر واحد خمس كلمات،
قالهم : اكتبوا رزق ينعى ولده،
قالوا له : لسه ، فاضل كده كلمتين
قال لهم : و يصلح راديوهات
واحد بواب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة
راجل و مراته ساكنين جنب شريط سكة حديد فكل لما القطار يعدى يوقع لهم الدولاب فالزوجه زهقت فجابت نجار طلبت منه يصلح الدولاب النجار اختبر الدولاب قال لها ده سليم
قالت له خش جواه و لما القطر يعدى حتعرف العيب فين فسمع كلامها و دخل،
بعد شويه جوزها وصل من الشغل فتح الدولاب فوجئ بالنجار
فقاله انت بتعمل ايه هنا؟
رد عليه لو حلفتلك ميت يمين حتصدق انى مستنى | |
|
miro
عضو نشيط
عدد المساهمات : 105
تاريخ التسجيل : 24/04/2012
العمر : 31
نقاط : 195
| |
شوشو
عضو نشيط
عدد المساهمات : 62
تاريخ التسجيل : 10/01/2012
العمر : 34
نقاط : 61
| | موضوع: رد: موسوعه من اجمل النكت 2012 الأحد يوليو 01, 2012 3:33 pm | |
| ههههههههههه تسلم ايدك  | |
|
زغلول مطر
المدير العام
عدد المساهمات : 575
تاريخ التسجيل : 28/03/2010
العمر : 37
نقاط : 1719
الموقع : http://lmgtfy.com/?q=http%3A%2F%2Fwww-ibn-sina.blogspot.com%2F
| | موضوع: رد: موسوعه من اجمل النكت 2012 الإثنين يوليو 02, 2012 1:25 pm | |
| | |
|
جامده اخر حاجه
