حمام محشي بالصور

موضوع: حمام محشي بالصور الأحد مايو 09, 2010 3:05 pm

نبدأبسم الله
المقادير :
حمامات متوسطة الحجم ( يفضل طبعا استخدام الزغاليل صغيرة السن ) وممكن سمان
للحشو :
ارز مصري ( حوالي 200 جرام لكل اربع حمامات )
السمان ال ستة سمانات بياخدوا ال200 جرام اللي هما يعني مج رز
بصل مفروم ( بصله متوسطه )
بهارات ( قرفه + حبهان+زنجبيل + فلفل اسود + مريمة)
ملح + ملعقه سمن بلدي او زيت ذرة
الطريقه :
تحضير الحمام :
تغسل الزغاليل جيدا من الداخل والخارج ، يراعي ان تزال الحوصله بدون عمل شق طولي في جلد الرقبه
، يتم فصل الاتصاق بين جلد الصدر واللحم بحرص و خفه باطراف الاصابع حتي لا ينقطع الجلد ،
لو سمان خليكي حريصه جدا لان الجلد بتاعه ارق بكتير
من الحمام صحيح بيتميز انه مرن جدا بس لو اتقطع قطعه صغيره يبقي خلاص
هايفتح للاخر

تفصل الرأس ويتم التخلص منها ويخاط جلد الرقبه من اعلي فقط ( علشان الارز مايخرجش منه )
تحضر خلطه من البهارات السابقه مع قليل من الملح ويتم تتبيل الحمام بها جيدا من الداخل ومن اسفل جلد الصدر علي اللحم
يترك جانبا حتي تحضر الحشو ه
تحضير الحشو :
يغسل الارز جيدا ولا يتم نقعه يعني استخدميه فورا
تشوح البصله في السمن حتي يصفر لونها ثم يتم اضافة ربع كوب ماء وكمية البهارات وتترك تغلي حتي يجف مائها
يضاف الارز مع قليل من الميه ( يادوب بس الميه تغطي الرز خدي بالك اوعي تزودي الميه عن كده صحيح ده مش عيار مية الرز بس احنا عاوزينوا ناقص ميه وناقص سوا كمان عشان ما يعجنش ) ثم نظبط الملح بالدرجه اللي نحبها
يوضع علي نار عاليه حتي يتشرب مع الانتباه حتي لا يلتصق في الحله ويفضل استخدام حله تيفال ،
يتم تخفيض النار ويقلب مرتين او ثلاثه ثم يرفع من علي النار ويفرد في طبق حتي
يبرد ( علشان تعرفي تمسكيه وتحشي الحمام)
يحشي الحمام من الداخل ومن اسفل جلد الصدر وداخل جلد الرقبه ( لاحظي الرقبه نفسها بتبقي موجوده ولا يتم التخلص منها )

حمام محشي بالصور 1242969979

ده شكل الحمام بعد الحشو

يراعي عدم زيادة كمية الارز اكثر من اللازم لانه لسه هايزيد في الحجم، وده علشان ما تنفجرش الحمامه

توضع الكبده والقونصه لتسد الفتحه بين الرجلين ثم تكتف الحمامه بادخال الارجل في الفتحه السفليه
حمام محشي بالصور 1242970080

الرقبه بنخيطها من اولها خالص عشان تبقي طويله وتدي حجم للحمامه
وشوفوا الرجلين داخلين ازاي

ثم يرص في صينيه تيفال ( لتجنب الاتصاق ) بحيث يكون الصدر لاعلي

حمام محشي بالصور 1242970153

الواحده اللي في الجمب دي كانت اتقطع جلدها فالفتها بفويل عشان ما ينزلش منها الرز

يتم اضافة ربع كوب ماء وتغطي الصينيه وتترك حتي الغليان علي نار عاليه وحتي تجف المياه ( ربع الكوباية دي هاتخلي الحمامه تاخد شكلها المنفوش وكمان هايكمل الرز بيها سواه )
وخدي بالك مش اكتر من ربع كوبايه والا الرز هايزيد جدا ويقطع الجلد ويبقي منظره مش تمام

حمام محشي بالصور 1242970310

ندهن وش الحمامات سمنه بلدي سايحه وندخله فرن مرتفع الحراره لمدة نص ساعه او اكثر حسب سن الحمام

حمام محشي بالصور 1242970351

واخيرا توضع تحت الشوايه حتي يحمر الحمام من جميع الاتجاهات
ولنكهة الشوي علي الفحم ممكن تسخني قطعه صغيره من الفحم حتي تحمر
ثم ضعيها مع الحمام في الصينيه وضعي عليها بضع نقاط من الزيت او قطعه من لية خروف او دهن لحم ثم احكمي
الغطاء لمدة 5 دقائق مع تغطية الصينية بقطعة قماش او فوطة مطبخ
ممكن تقدميه مع ملوخيه خضرا
او شوربه وسلطه
او بطاطس محمره وسلطة طحينه

انتي متأكده ان ده حمام
اصله كبير والا الكاميرا مكبراه
يعني بصراحة عمري ماشفت حمام شبه الفراخ كده
بس بجد شكله لذيذ تسلم ايدك

حمام دا ولا فراخ ؟

انا سمعت عن حمام محشى فريك او روز بس بجد مسمعتش عن حمام محشى بالصور دى بقا جديده

والله حمام بس الحشو اللي تحت الجلد مكبره شوية والكاميرا مكبراه كمان شوية

تسلم ايدك على الحمام اللى مش حمام باين ان ده حمام محشى فراخ من بره حمام ومن جوه فراخ

والله حمام بس الكامير كانت قريبه الظاهر اللي بيصور كانت عينه هتطلع عليه

» احلى كبسة فروخ حمام
» الشاورما المدخنه بالصور
» البوريك اللذيذ بالصور
» طريقة عمل البروست بالصور
» حلى عشى خطوه بخطوه بالصور