تحبوا مين يقعد علي كرسي الاعتراف الاسبوع دا

انا عن نفسي برشح حامل المسك ايه رايكم ودا الكرسي اللي هيقعد عليه اللي موافق يصوت لنا مش علينا افهموا ايه دا

انا بضم صوتى لأم حنان انا بختار حامل المسك

وانا هكذا بضم صوتى لام حنان

وانا بضم صوتى لام حنان Basketball

أسف على مدة غيابى على المنتدى .. انا كمان اختار حامل المسك...أنا أسف ياصحبي

عاوزين نسال بسرعة قبل امتحانات حامل المسك
يلا ياجماعة

طيب يا جماعة طالما إنتم اختارتوني يبقي أكيد في النهاية هيكون التصويت على حامل المسك
بس يا ريت اللي يدخل يسأل على طول عـلشان أنا هبدأ إمتحانات يوم 30 - 5 وآخر يوم لي على الكمبيوتر هيكون الأربعاء الموافق 26 - 5 وبعد كدة محدش يسأل عشان أكيد مش هيلاقيني
وعامة اللي عنده سؤال يكتبة ويوم الأربعاء هرد على الكل مرة واحدة .
وشكرا لكل أعضاء المنتدى

انت حيرتني ياهشام
المهم سؤالي
لورجعنا لايام الخلفاء الراشدين تتمني تكون في عهد مين وليه

معلش يا هشام انت عارف ان انا بحبك علشان كده بختار حامل المسك

سؤال أم حنان
لو رجعنا لآيام الخلفاء الراشدين تتمنى تكون في عهد مين وليه ؟
الإجابة :
أتمنى أكون في عهد سيدنا أبو بكر الصديق رضي الله عنه للأسباب الآتية :
أولا : لأن أبو بكر الصديق أحب الرجال إلي رسول الله صلى الله عليه وسلم .
ثانيا : لو وضع إيمان أبي بكر في كفه وإيمان الأمة في كفه لرجحت كفة أبي بكر كما قال رسول الله صلى الله عليه وسلم .
ثالثا : كان المسلمين في عهد أبي بكر في نقاء لم يحدث بينهم فتن سوى فتنة المرتدين ومانعين الزكاة وقد حاربهم سيدنا أبو بكر الصديق وقضى عليهم تماما ولم يكن لهم كيان .
وشكرا على السؤال الجميل ده

ياريت يا جماعة اللي يدخل يسأل على طول من غير ما يختار عشان بجد في يوم مش هتلاقوني

شكرا علي الرد ياحامل المسك

بعد سؤال ام حنان

احب اسالك سؤال مش عارف يخصك ولا لا

بس لازم تجاوب علية

يا ترى الحب حرام بس الحب الشريف والصادق بس

ويا ترى انتا حبيبت ولا لسة مصادفتش حب فى حياتك

بصراحة يا شيخ هشام

سؤال ملك الإحساس

السؤال

يا ترى الحب حرام بس الحب الشريف والصادق بس؟

الإجابه : واعذرني الإجابة ستكون طويلة قليلا
طبعا يا ملك إنت تقصد حب معين وهو الرجل للمرأة أو للفتاة

طبعا يا ملك الحب مش حرام وإزاي أصلا يكون حرام وربنا هو اللي بيقول في سورة الذاريات الآية 49 ( ومن كل شئ خلقنا زوجين ...... ) ، وهو أيضا الذي قال في سورة آل عمران الآية 14 ( زين للناس حب الشهوات من النساء ..................... ) فكيف يكون حراما بعد كلام الله تعالى هذا .

وأي حد يقول إن الحب حرام فهو إما مجنون وإما جاهل .

لكن طبعا اللي بيحصل إنهاردة بين الشباب والبنات دة مش حب خالص دة اسمه ( لعب عيال ) ولا شك في حرمته وإليك التوضيح .

بم إني أثبت لك إن الحب مش حرام لازم تعرف الحاجات دي لأنها مهمه

كونك تحب بنت من قلبك مش حرام لكن كونك تكلمها في الطريق وتوقفها عشان تظهر لها إعجابك حرام

كونك تقابل واحدة ملكش أي علاقة بها غير إنك بتدعي أنك بتحبها في أي مكان عمومي أو غير عمومي وسواء كان بعلم أهلها لو افترضنا جدلا أنهم سيوافقون على هذا أو بدون علمهم لا شك في حرمتة

كونك تتكلم مع بنت وتعترف لها بحبك بدون أن تتقدم لها وتطلبها من ولي أمرها مباشرة فهذا خارج نطاق الحياء ولا شك في حرمتة

واعذرني يا ملك وأرجوا من كل الإخوة أن يعذروني في هذا

أنا لا أعتبر من يتصف بهذه الصفات ( رجل ) فلابد أن تعذروني هو طفل صغير أراد أن يكون له شأن في المجتمع وخيل له عقله أنه لن يحقق ذلك إلا بعلاقة بينه وبين أي فتاه لم يحدد لها صفات ولا هو في خياله فتاة معينه ولكن هي أول بنت ابتسمت له فابتسم لها وكلمها عدة مرات وجعلوا من ذلك حبا !!!!!!!!! لا تعليق !!!!!!!!!!

فهو يعلم يقينا أنه لا يستطيع أن يتقدم لها لأنه لو فكر في ذلك سيقول له أبوه ( إنت لسه صغير ) ولو ترك أهله وذهب إلى أهلها سيقولون له نفس الكلام فهو يريد أن يثبت رجولته فيذهب ويبحث عنها في الحرام ..... كما هو المعتاد الذي نراة في كل يوم .
وتضحك عندما يحدث شئ بينه وبين هذه الفتاة فيتركها ويذهب إلى أي فتاة أخري تبادله نفس الإبتسامه وهذا هو عيب الرجال ( الضعف أمام الجنس الآخر ) .

السؤال الثاني :
ويا ترى انتا حبيبت ولالسة مصادفتش حب فى حياتك ؟

الإجابة :

والله يا ملك أنا لسه محصليش الشرف وادعيلي كدة ربنا يوفقني وألاقي البنت اللي بدور عليها

قول آمين

امين يا حبيبى

انا بقى يا عم هشام عايز اعرف حاجه واحد بس ممكن

انت ليه بتحب تلعب فى الكمبيوتر بتاعى كتير وتفصل اى حاجه شغاله بس جاوب بصراحه ممكن

السلام عليكم انا بقى عندى تعليق على كلامك ازى بتقول ان محصلكش الشرف قبل كدا فى الحب يعنى عايز تفهمنى انك عمرك ما حبيت ولا حتى اعجبت ببنت قبل كدة خالص بس ياريت ترد بصراحة

سؤال زغلول

السؤال :

انت ليه بتحب تلعب فى الكمبيوتر بتاعى كتير وتفصل اى حاجه شغاله بس جاوب بصراحه ممكن

الجواب :

أولا : لأني كل ما أدخل عندك ألاقيك مشغل أغاني وأنا مش هعرف أقعد معاك وانت مشغل أغاني

ثانيا : لأني بحبك يا زغلول ومش عايز أي حاجة تشغلنا وإحنا قاعدين بنرغي مع بعض وانت عارف طبعا أنا بحبك قد إيه ومش ممكن أعدي من أمام المحل من غير ما أسلم عليك .

وبعدين أنا عارف إنك مسامحني في الموضوع ده ومش بتزعل فأنا كمان لازم أسوق الهبل عليك

عندك مانع ؟؟؟؟؟؟؟؟؟؟؟؟؟؟؟

لا معندكش طبعا

خلاص يبقى تفصل الأغاني لما أجيلك

سؤال شمس

السؤال :

السلام عليكم انا بقى عندى تعليق على كلامك ازى بتقول ان محصلكش الشرف قبل كدا فى الحب يعنى عايز تفهمنى انك عمرك ما حبيت ولا حتى اعجبت ببنت قبل كدة خالص بس ياريت ترد بصراحة

الجواب :

سؤالك يتكون من جزئين

الجزء الأول : عمرك ما حبيت قبل كده

الجزء الثاني : أعجبت ببنت قبل كده

ف بالنسبة للجزء الأول أنا قولته في ردي على ملك الإحساس

أما الجزء الثاني فدي حاجة عادية وأنا أعجبت بكذا بنت بس اللي بيعجبني حاجات معينه يعني مثلا يعجبني في واحدة حيائها ، ويعجبني في واحدة تانية هدوئها ، ويعجبني في واحدة ثالثة إهتمامها بحفظ القرآن ، ويعجبني في واحدة رابعة إنها مثلا تكون ممتازة في شغل البيت . وكدة يعني

أما الحب فدي أصلا حاجة أنا مش مهتم بيها ومش شغلاني

المشاركة الأصلية بواسطة ملك الإحساس

اقتباس :

بصراحة يا شيخ هشام

المشاركة الأصلية بواسطة زغلول مطر

اقتباس :

بس جاوب بصراحه ممكن

المشاركة الأصلية بواسطة شمس

اقتباس :

بس ياريت ترد بصراحة

إية يا جماعة إنتم كلكم حاسين إن أنا مش صريح ليه كدة

أنا والله يا جماعة بتكلم بكل صراحة

وبعدين أنا مش مجبر على الرد عشان أكذب

يعني أكيد مش هكذب في حاجة أنا مش مجبر عليها

لا اكيد مجبر ولو فى غير كده روح عدى من شارع تانى وبلاش تعدى من امام المحل احسن اسبتك والله

والله العظيم انا مصدقق يا شيخ هشام واشكرك على ردك الصريح معايا والله مصدقق

السلام عليكم ورحمة الله وبركاته

أنا بقا عندى 4 أسئلة هما كتير بس معلش حظك كدة

ماهو شعورك وأنت على كرسي الأعتراف

ما هي نصيحتك للشباب والفتيات في هذا العصر

حكمة تتخذها شعارا ً لك في الحياة

ماهوأصعب أمتحان لك فى الحياه

أسئلة دموع القمر

اقتباس :

السلام عليكم ورحمة الله وبركاته

وعليكم السلام ورحمة الله وبركاته ومغفرته

***

اقتباس :

أنا بقا عندى 4 أسئلة هما كتير بس معلش حظك كدة

ولا يهمك إحنا برضه إخوات ولازم نستحمل بعض

***

اقتباس :

أنا كنت في الأول حاسس بقلق لكن دلوقتي خلاص ذهب عني القلق

***

اقتباس :

ما هي نصيحتك للشباب والفتيات في هذا العصر

نصيحتي للشباب أن يتقوا الله في بنات المسلمين فإن النبي صلى الله عليه وسلم وصانا عليهم

فقال ( أوصيكم في النساء خيرا )

وأنصح نفسي وأياكم بالمحافظة على الصلوات في الجماعة فإنها والله متعة ما بعدها متعة ، يقول أحد العلماء قديما ولم أذكر إسم العالم ( لو يعلم الأمراء ما نحن فيه من السعادة لحاربونا عليه بالسيوف ) فهي والله متعة وحلاوة ولذة وسعادة فلا نريد أن نضيعها من أنفسنا نحن الآن بصحتنا ونستطيع السجود لله رب العالمين ومع ذلك نأبى ونرفض وغدا ( يوم يكشف عن ساق ويدعون إلى السجود فلا يستطيعون * خاشعة أبصارهم ترهقهم ذلة ) لماذا يارب ( وقد كانوا يدعون إلى السجود وهم سالمون ) آآآآآآه كانوا بصحتهم في الدنيا ويسمعون الآذان ويرفضون دخول المسجد ويرفضون السجود لله تبارك وتعالى فجزاؤكم اليوم أنكم أنتم الذين تريدون السجود عندما عرفتم عظمة الله ومع ذلك لا تستطيعون

فلابد أن نغتنم هذه الفرصة وإلا سيكون جزاؤنا الضنك والضيق في المعيشة في الدنيا وأن نحشر عمي يوم القيامة كما يقول الله تبارك وتعالى في سورة طه ( ومن أعرض عن ذكري فإن له معيشة ضنكا ونحشره يوم القيامة أعمى * قال رب لم حشرتني أعمى وقد كنت بصيرا *) فيرد عليهم منادى من قبل الله تعالى ( قال كذلك أتتك ءاياتنا فنسيتها وكذلك اليوم تنسى ) . فاغتنم حياتك قبل مماتك .

ونصيحتي للبنات أن يتقين الله في شباب المسلمين وأن يتذكروا دائما حديث رسول الله صلى الله عليه وسلم (صنفان من أمتي لم أرهما بعد نساء كاسيات عاريات مائلات مميلات على رؤوسهن أمثال أسنمة البخت المائلة لا يدخلن الجنة ولا يجدن ريحها ........... إلى آخر الحديث ) الحديث صحيح رواه الإمام أحمد بن حنبل في مسندة والإمام مالك في الموطأ والإمام أبي يعلى الموصلي في مسندة وغيرهم كثير

فاحذري يا أختي أن تكوني من هؤلاء النساء فهؤلاء لن يراهم النبي صلى الله عليه وسلم في الآخرة وهذا توضيح قوله ( لم أرهما بعد ) ، غير أنهن لا يدخلن الجنة ولا يجدن ريحها ولو شاء الله وأخرجهم من النار برحمته وأدخلهم الجنة سيكونون أيضا بعيدين كل البعد عن النبي صلى الله عليه وسلم .

غير أنه صلى الله عليه وسلم وصف النساء في حديث آخر أنهم أكثر أهل النار فقال (تصدقن يا معشر النساء ولو من حليكن فإنكن أكثر أهل النار . . . إلى آخر الحديث )

وأن يحافظن على صلاة الجماعة أيضا ولكن في بيوتكن مع أخواتك أو والدتك وإليكم أيضا نفس الكلام الذي ذكرته للشباب عن الصلاة آنفا

وأخيرا أوصي نفسي وإياكم بخير وصيه وصى بها رسول الله صلى الله عليه وسلم أمته وهي قوله

( أوصيكم بتقوى الله عز وجل والسمع والطاعة وإن تأمر عليكم عبد فإنه من يعش منكم بعدي فسيري اختلافا كثيرا فعليكم بسنتي وسنة الخلفاء الراشدين المهديين من بعدي تمسكوا بها وعضوا عليها بالنواجذ وإياكم ومحدثات الأمور فإن كل محدثة بدعة وكل بدعة ضلالة )

***

اقتباس :

قول رسول الله صلى الله عليه وسلم (اغتنم خمسا قبل خمس شبابك قبل هرمك وصحتك قبل سقمك وغناك قبل فقرك وفراغك قبل شغلك وحياتك قبل موتك ) . وأعتقد أن الحديث لا يحتاج إلى توضيح فهو معناه واضح جدا .

***

اقتباس :

ماهوأصعب أمتحان لك فى الحياه

أصعب إمتحان في حياتي هو سفر أبي وغيابة عني وأكيد هو لو كان موجود معايا باستمرار من صغري كان زماني أحسن من كدة بكتير بس الحمد لله على كل حال والله أعلم ( لعله خير ) .

وأشكرك يا دموع القمر على أسئلتك الجميلة وإنتي فعلا إنسانه تستهلي كل خير ربنا يوفقك في حياتك ويكرمك ويجعل الجنه مثوانا ومثواكي وجزاكي الله خيرا .

وليست النهاية

بشكر كل الأعضاء اللي سألوني وبشكر أيضا كل الأعضاء اللي مسألونيش وبقولهم اللي عايز يسأل يعرض سؤالة لكن مينتظرش الإجابة اليومين دول عشان عندي امحانات لمدة شهر كامل أربع أسابيع متتالية لكن أوعدكم إن شاء الله بعد الإمتحانات إذا لقيت أي سؤال هرد عليه في الحال

فأرجوا من الأخوة الأعضاء أن يعذروني في ذلك وادعولي كدة ربنا يوفقني بس ادعولي في نفسكم مش لازم تضيفوا رد تكتبوا فية ( ربنا يوفقك ) لالا أنا عايزكم تدعولي دعوة عن ظهر قلب دعوة أنا نفسي معرفش مين دعالي ومين مدعاش بس يكفيني إن تكون قلوبكم معايا وشكرا لكل الأعضاء

يلا بقي إعملوا كرسي إعتراف تاني على ما أرجع لكم

السلام عليكم ورحمة الله وبركاته

ممكن اسالك

هوا معنى ان النسان يصلى ويترك لحيته ويعمل كل حاجه ترطى ربنا يبقى مش من حقه انه يفرح ولو شويه

احنا مش ملايكه يا جدع

يحيى
ماجيك

» تحبوا مين يقعد علي كرسي الاعتراف فى رمضان ؟
» تحبوا سندريلا ادخلوا
» كرسى الاعتراف سؤال عام لكل الشباب والبنات ؟