طرق منوعه لطهي الجمبري ( الروبيان) بالصور

اليوم جبت لكم طرق منوعه لطهي الجمبري ( الروبيان ) ان شاء الله تستفيدوا منها وتعجبكم






(1)..الجمبري بالزيت والليمون:

المقادير

-جمبري حجم كبير مقشر ومنظف
-للتبيل (ثوم+ملح+شطه+كمون+ليمون)
-ملعقتين زيت
......

الطريقه

-قومي بحشو شق الجمبري بالتتبيله ورصيه فالصينيه وضيفي له الزيت ثم أتركيه ساعه













-ارفعيه علي نار هادئه حتي يجف ماؤه ويبدأ في التحمير الخفيف...












(2)كفته الجمبري:

المقادير

-جمبري حجم صغير
-دقيق أرز حسب كميه الجمبري
-بصله متوسطه+4فصوص ثوم
-بقدونس وشبت
-ملح وفلفل وكمون

الطريقه

-في الخلاط قطعي البصل وضيفي له الثوم والبقدونس والشبت(مقطع علشان ميلفش جوه الخلاط) والبهارات
-بمدق اللحم دقي الجمبري دقات خفيفه (مش لدرجه انه يتهرس ..وده علشان يتماسك مع خليط الدقيق)
-في وعاء عميق اخلطي الدقيق بالجمبير بالخليط السابق حتي تتكون لديكي عجينه لينه نوعا ما غير يابسه




- امسحي يدك بالزيت وشكلي العجينه علي شكل اصابع أو دوائر

-وهنا
خياران اما تقلي فالزيت علي نار هادئه (ونتيجتها بالصوره)..أو تسلق في ماء
مغلي وملح ثم تنشل وتحمر فالزيت..وانا أفضل الطريقه الاولي













(3)كفته الجمبري بالصلصه

المقادير


-يؤخذ مقدار من الكفته المقليه
-عصير طماطم
-3فصوص ثوم
-ملح وبهارات
..........

الطريقه

-في حله عميقه أهرسي الثوم وحمريه في الزيت
-ضيفي عصير الطماطم والبهارات وأتركيه ليغلي
- ضيفي الكفته واتركيها لحد ما تتسبك شويه وتقدم بهذا الشكل
-أو ممكن تقومي بعمل نفس المراحل في الصينيه وبعد التسبيك تدخل الفرن
....انا اسفه الطريقه دي صورتها مش موجوده





(4)الجمبري المشوي (1)



-المقادير موضحه بالصوره وطريقه العمل أيضا





























(5)الجمبري المشوي2:

المقادير

-جمبري متوسط الحجم
-مياه للتمليح عباره عن (ملح +ليمون+شطه+2ك مياه)
..........

الطريقه

-علي صاج ساخن يشوي الجمبري علي نار متوسطه
-بعد النضج يتم مباشره اضافه الجمبري لمياه التمليح
-يترك حتي يمتص الملح ثم ينشل


















(6)الجمبري المسلوق:


المقادير

-جمبري حجم كبير
-طماطم حلقات
-فلفل رومي حلقات
-بصل حلقات
-فلفل وكمون وملح


الطريقه

تخلط المكونات وتوضع في اناء مغطي علي النار حتي النضج

(7)شوربه الجمبري:

المقادير

-جمبري حجم وسط أوكبير (منظف بالطبع ولكن استخدمي نصف الكميه مقشره والنصف الاخر بالقشره
-2كابوريا منظفه ومقطعه
-نص كوب لبن
-مستكه
-ملح وفلفل


الطريقه

-في اناء الطهي ضعي ملعقه زيت +المستكه
-ضيفي لهم الجمبري والكابوريا والملح والفلفل+2ك ماء
-اتركيه حتي يغلي ويدخل في النضج ثم ضيفي اللبن وأرفعيه من علي النار.





















(8)الجمبري الصياديه بالارز:


المقادير

-جمبري وسط أو صغير
-بصله متوسطه
-أرز مصري مغسول
-شبت أو بقدونس
-حبه فلفل رومي أحمر مقطعه صغيرا
-ملح فلفل كمون


الطريقه

-حمري البصله فالزيت حتي تصل للون البني
-ضيفي الجمبري والملح والبهارات والفلفل الاحمر وقلبي
-ضيفي الارز المغسول +الماء
-بعد النضج وقبل التقديم قومي بفرم البقدونس أو الكسبره وأخلطيه مع الارز جيدا










...علي فكره هو مش غامق أوي كده..ده من الاضاءه


(9)طاجن الجمبري في الفرن:
المقادير

-جمبري حجم صغير
-بصله مفرومه
-عصير طماطم
-بقدونس مفروم
-ملح وفلفل وكمون

الطريقه




-حمري البصله حتي يصبح لونها ذهبي
-أضيفي عصير الطماطم حتي يغلي
-ضيفي الجمبري والبهارات والبقدونس مع التقليب
-أتركيه علي نار هادئه ..ثم أدخليه الفرن















(10)الملــــــوخيه بالجمبري:

المقادير





-عصير طماطم
-ملوخيه خضراء مخروطه طبعا
-جمبري حجم صغير
-ثوم مفروم +كسبره ناشفه
-2م زيت




الطريقه


-في الحله ضعي الزيت + الجمبري+عصير الطماطم وأتركيه يغلي حتي يصل للقوام المطلوب
-ضيفي الملوخيه مع التقليب لمده دقائق ثم ارفعيه من علي النار
-في الزيت حمري الكسبره +الثوم ثم ضيفيها للملوخيه مع تغطيه الاناء جيدا








صحتين وهنا ع قلوبكم جميعا