ليلة زفافك

الموت ماهو لا انتهى عمـر انسـان
الموت لا صرتي لغيري وانا اشـوف

تضحك لـه الدنيـا وانـا كلـي احـزان
وياخذك مني والسبـب قسـوة ظـروف

محبوبتي .. موعـد زفافـك ليـا حـان
ابنسحب واتركلـك دموعـي ظيـوف

جعل الفرح يعزف علـى دربـك الحـان
وعينك بعـد فرقـاي ماتبكـي حسـوف

انتي .. زرعتي الحب في قلب مـا خـان
واخر حصـادي صـار للغيـر مقطـوف

وانا .. وفيـت وحـظ دنيـاي ماصـان
جيتك طليق افـراح واقفيـت مكسـوف

ماني بلومك !! لاكـن الـوم مـن كـان
يسعى علـى فرقـى المحبيـن ملهـوف

القصد .. واضح ماهـو بحاجـة اعـلان
وما ظنتـي للـي علـى مثلـك أتطـوف

يكفيـك عـن قولـي تعابيـر الاعيـان
وإنـي احـس بداخلـي حرقـة الجـوف

لا تحسبيـن الحـب تاليـه نسيـان
وإلا يغطـي شمسـك بعينـي اكسـوف

انتي غـلا الحب يبقـى علـى مـر الازمـان
وانتي قصيـده قلتهـا بصـادق حـروف

والموت . ماهو لا طوى جسمي اكفان
الموت. لا صرتي لغيري وانا اشـوف

(( بحضر زفافك مثل باقي المعازيم
لو كان في ليلة زفافك وفـــاتي...
بحضر نهاية قصة الحب والضيم
واكتب على جرح الهواء ذكرياتي..))