واخير حل لغز العلم والشرطه عجزوا عن حله

السلام عليكم ورحمة الله وبركاته

لموضوع ببساطه وهو انه رجال الشرطه لقو امراه كانت قد اتصلت بهم قالت انا لما رجعت من السوق وجدت باب الحمام مغلق بالداخل بالمفتاح وعندما طرقت علي الباب لا احد يرد فعندما كسرو الباب وجدوا زوج الامراه مقتول بسكين من الخلف بسكينه ووجدوا المفتاح بتاع الباب في جيبه ومع العلم انه الحمام لا يوجد به اي نوافذ واللغز هو كيف قتل الرجل وكيف خرج القاتل مع العلم لايوجد اثار كسر علي الباب ؟

مش عايزكوا تملوا وناخد الموضوع واحده واحده من المشاركات ومن ردود صاحب الموضع اقتنعت انه عايز يعرف ان الراجل انتحر لكن الفكره ازاي انتحر والسكينه في ضهره

احب ااقلك اني ااقدر يا سيد ااقلك علي حلين اول واحد انتحر ازاي
وتاني حل ازاي مراته قتلته

الحل الاول وهيا فكرة الانتحار ركزوا معايا

طبعا كلنا عندنا في التلاجات في البيوت في موجود في الفريزر علبة مكعبات ثلج صغيره الاول بنحط ميه وبعدين بتجمد وتبقي مكعبات ثلج صغيره المهم الي حصل ان الراجل ولسبب ما انتحر ففكر في خدعه جميله جدا خدعه شيطانيه انه يجيب ضهر السكينه ويحطها في مكعب من المكعبات وهوه لسه ميه ويسيبه لما يتجمد

ركزو الموضوع محتاج تخيل وبعد كده هياخد المكعب بعد ما اتجمد هيبقا ضهر السكينه في المكعب وحد السكينه باين وقفل علي نفسه باب الحمام وحط المفتاح في جيبه
ووضع مكعب الثلج علي الارض او في اي مكان وبذلك اصبح المكعب علي الارضيه وراس السكينه لاعلي ورمي نفسه علي ضهره فدخلت السكينه في ضهره ......... وفي ناس كتير في مشاركتها قالت انه قتل نفسه واستخدم حبال او خيوط وكان انه مفيش اثر حقيقه علميه حتي التلميذ يستطيع تميزها الثلج لا يترك اثر لما يسيح وكده السكينه في ضهره والثلج ساح ويبقي كده انتحر
ومفيش اثر

طب لو قولنا ان احنا عايزين تكون مراته الي قتلته ااقدر ااقولكم فعلا ممكن بشوية عقل وخيال شيطاني نخلي مراته هيا الي قتلته بس السؤال ازاي المفتاح في جيبه والباب مقفول ؟؟؟؟ وعشان نجاوب علي السؤالين دول عايزين بعض الادوات زي
(خيط صيد _ ابرة خياطه )
الخدعه عايزه تخيل هنمسك طرف الخيط وهنحطه في الابره عادي كاننا هنخيط بيه حاجه هتقوم مراته ماسكه الابره وممره الخيط من جوه جيبه وتعديه تاني بره الجيب بس من داخل البنطلون ارجو انك تركزوا وخلوا خيالكوا واسع بحيث الخيط يكون ماشي جوه جيبه
هتطلع بالخيط بره الحمام وهيبقي طول الخيط من الابره لحد جيب الراجل = الطول من جيب الراجل للطرف التاني
بعد مطلعت بره الحمام دلوقتي معاها الطرفين هتدخل الخيط بشكل دائري علي فتحه المفتاح يعني مش هيكون مربوط ملفوف بس وده هيبقي الطرف التاني من الخيط
يبقي ركز اول طرف هوه الخيط والتاني هوه المفتاح
هتطلع بره وهتقفل بالمفتاح الباب وتبدا تشد طرف الخيط الاول متنسوش الخيط ليه مركز بيمر فيه وهوه جيب الراجل فلما تشد الخيط هيمش المفتاح من بره لحد جيب الراجل وهيدخل جواه وبمجرد انها شدت الخيط بقوه اجمد هيمر الخيط من المفتاح ويطلع من جيبه ويطلع من تحت باب الحمام
وكده تبقي قتلته والباب مقفول والمفتاح جوه

شكرا على الموضوع يا كينج