منتدى سهر الليالي
أهلا وسهلا بك زائرنا الكريم, أنت لم تقم بتسجيل الدخول بعد!

يشرفنا أن تقوم بالدخول أو التسجيل إذا رغبت بالمشاركة في المنتدى

أما إذا رغبت بقراءة المواضيع والإطلاع فتفضل بزيارة القسم الذي ترغب أدناه
منتدى سهر الليالي
أهلا وسهلا بك زائرنا الكريم, أنت لم تقم بتسجيل الدخول بعد!

يشرفنا أن تقوم بالدخول أو التسجيل إذا رغبت بالمشاركة في المنتدى

أما إذا رغبت بقراءة المواضيع والإطلاع فتفضل بزيارة القسم الذي ترغب أدناه
منتدى سهر الليالي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى للتعارف وحل مشاكل الحب والدردشة
 
البوابةالرئيسيةأحدث الصورالتسجيلدخول

 

  نكت جاااامدة 2011

اذهب الى الأسفل 
2 مشترك
كاتب الموضوعرسالة
admin
المدير العام
المدير العام
admin


زغلـــول مطـــــر
عدد المساهمات : 3462
تاريخ التسجيل : 28/03/2010
العمر : 37
نقاط : 8723
الموقع : http://slimmingworld2.blogspot.com/
ذكر

 نكت جاااامدة 2011 Empty
مُساهمةموضوع: نكت جاااامدة 2011    نكت جاااامدة 2011 I_icon_minitimeالخميس فبراير 17, 2011 2:03 pm



مرة اتنين فشارين قاعدين واحد يقول
للتاني ستي اما كانت تقول لجدي نفسي في الرقاق كان يديها 1000 ج قاله مش كتير قاله
لا راح التاني قاله وانا ستي كان عندها جاموسه كانت تملى اوضه لبن قاله مش كتير
قاله لا يدوبك يكفي الرقاق بتاع ستك


مره واحد محمل فراخ وهوه معدي علي كمين
سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف
ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو
مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا
باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش
لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط
بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل
فرخه نص جنيه وهيه تاكل اللي علي مزجها


مرة واحد غبي ماشى فى الشارع قال
يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه
مخروم رجع يدور عليها لتكون وقعت


مرة واحد راح يخطب واحده، باباها قال له بس
البنت لسة بتدرس، قال له خلاص اجلها في الفسحه


واحد غبي عنده ارق ومش عارف
ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا
مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما
وصـل الى ميه وتسعة وتسعين ...كبس عليه النوم … قـام جري غـسـل وشه ورجــع
للـسـريـر يـكـمـل الـعـد


مرة اتنين أغبية طالعين رحلة فالسواق نزل استراحة
ورجع لقى الفتيس مش موجود قالهم الفتيس راح فين...قالوله لقينك يا عم طول الطريق
عمال تشد فيه مش عارف تخلعه قولنا نشلهولك


مرة واحد غبى واقف في الشارع
وبيتكلم فى المحمول وعمال يزعق ويقول : بس دورى تانى...معلش دورى كويس ..واحد معدى
فى الشارع سأله : فيه ايه؟؟ راح واخد المحمول منه وبيسمع .. لقى (الرقم الذى طلبته
غير موجود بالخدمة من فضلك اعد المحاوله)


إتنين أغبية إشتروا حصانين وعاوزين
يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع
قاله لا مش باينه، راح شوية ورجع راح قاطع رجل حصان زميله وقال له حصانك رجله
مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة
قاله بيتهيألي أوضح حاجه إن حصانك بني وحصاني أبيض


مره اتنين مجانين اتفقوا
انهم يهربوا من المستشفى واحد قال للتانى لو لاقينا الصور عالى هنهده لو لاقيناه
واطى هنط من فوقيه التانى قاله ماشى راحوا مالاقوش صور خالص قالوا يخساره المهمه
فشلت


مرة واحد غبى ماشى فى الشارع لقى قرد مشي بيه قابل عسكرى مرور سألوا
اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى
قال له مش قلتلك وديه جنينة الحيوان قال له ما أنا وديته امبارح ، النهاردة بقى
هاوديه السينما


مره قرية كلها أغبيا كان فيها حفره كل يوم واحد يقع فيها
عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف
جنب الحفره علشان المصابين يتنقلوا بسرعه قام التاني قال احنا نبني مستشفى جنب
الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا
نردم الحفرة دي ..ونحفر واحدة تانية جنب المستشفى


واحد راح يشتري عربية .لقى
كل العربيات غالية عليه.بعدين لقى عربية قديمة و عليها تراب كتير بس سعرها
مناسب.صاحب المحل قال له العربية دي فيها ميزة هايلة.بص كدة ..وقام مسح بإيده
التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي
للبيه حالاً..في لحظة كانت كباية الشاي قدام الراجل .قام اشترى العربية فوراً و
ساقها و طلع بيها على حتة أرض فاضية و قام نزل و مسح التراب اللي علي العربية. قام
طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب
تنس و..... قام العفريت قال حيلك حيلك إنت فهمت غلط .. أنا شاي و قهوة بس


واحد غبي جاله عقد عمل فى الكويت، يوم السفر قاعد فى المطار فالمذيع
الداخلى بيقول : "على ركاب الرحله 770 المتوجهه الى الكويت التواجد بصاله الدخول"،
"النداء الاخير لركاب الرحله 770 المتوجهه الى الكويت التواجد بصاله الدخول." فموظف
المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول
طالعين رحله .. انا طالع شغل."


مرة اتنين اصحاب بيقولو ابعض تصدق انا الخدام
بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى
نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه
مرسيدس واليانى نادى الخدام بتاعه وقالوه روح النادى وشوفنى هناك ولا لآ فراحوا
الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده
غبى اوى تصور بعتنى اشتريله عربيه و ما يعرفش ان انهارده الحد والمحلات قافلة
فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك
يعنى مش قادر يرفع سماعة التليفون و يسأل على نفسه


في المدرسه استاذ الحساب
بيسال التلميذ بتاعه: لو باباك استلف الف جنيه من البنك والف جنيه تانيه من جاركم
يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف
وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت
متعرفش حاجه في الحساب، التلميذ: انت اللي متعرفش ابويا يا استاذ


واحد قال
لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد
بالك لتبرد


مره طالبه مشاغبه المدرس اشتكاها للمدير المدير بعتلها قال لها
"عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه"
بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده
الى اترميت من الشباك."


مرة تلميذ بيسأل الأستاذ بيقول له:هو ممكن يعاقب
الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا
معملتش الواجب


توأم بيقول لأخوه التوأم وهو متنرفز إنت كنت فين ياعم أمك
حمتنى مرتين


مرة ولد صغير سأل والده: باب انت جبتني ازاي؟ قال اللأب: بص يا
حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة
وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت
السجادة صحي تاني يوم وجد صرصور فقال:"لو ماكونتش ابني انا كنت
قتلتك."


تلميذ أحول بيكتب حلو قوى ..ولكن فى كراسة زميله ..الأبلة قالتله لو
ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة
فتحها واكلها للى جنبه


واحد نايم جنب مراته فسمعت صوت، بتقوله يا قوم يا
راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى
اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى
قالها روحى ماتخفيش سايبة فى البيت سبع


مرة واحد بيسألوه ايه سر الرومانسية
اللى انت فيها مع مراتك على طول؟؟ قال لهم اصل احنا محافظين من زمان على عادة رائعة
بنروح نتعشى فى مطعم رومانسى مرتين فى الأسبوع انا يوم التلات وهى يوم
الخميس


واحدة نايمة جنب جوزها سمعت صوت في الصالة قالت لجوزها قوم شوف يمكن
حرامى.. قالها قومي شوفى انتى يمكن حرامية


عريس بيقول لعروستة لازم تعرفي ان
كلمتي في البيت زي الساعه بصتلو بنظرت غضب...قالها يعني لا بتقدم ولا
بتأخر


واحد بيقول لصاحبه :امبار ح خليت مراتي تركع علي رجليها....قله صحبه
ليه؟...قاله كانت بتقولي اطلع من تحت السرير


مرة واحد غبي راح يخطب فوالد
العروسة بيقولة احنا عايزين مهر عشرين الف جنية قام الغبي قالة لية دا انا قدامي
واحدة على خمس تلاف وحامل


واحده وحشه قوى بتقول لجوزها يا رااااجل مش تصلح
شباك الحمام علشان وانا بستحمه الجيران مايشوفونيش قالها: خليهم يشوفوكى علشان
يصلحوه على حسابهم


سألو واحد بخيل طحن: تعمل ايه لو الدنيا برد؟ قال: أروح
جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت
أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري
لله


واحد بخيل قال لابنه : إنجح السنة دي وانا أجبلك كورة .. الولد شد حيله
ونجح .. أبوه إشترى له كورة .. وقال له : طب لو نجحت السنة الجاية أنفخها
لك


واحد بخيل دخل على ولاده وقعد يزعق بصوت عالى علشان مشغلين المروحه على 3
وهما 2 بس


مرة واحد بخيل حلم انه اشترى فاكهة ولحمة لبيته ولما صحى حكى
لمراتة قالتله ايه البعزقة دى


واحد بخيل عندو ثلاث تفاحات فتح الاولى لقى
فيها دود التانية فيها دود وصل للثالثة طفا النور و أكلها


مرة اتنين بخلاء
خلفوا عيل حطوة فى البنك


اتنين مساطيل ركبوا اتوبيس بدورين اللي فوق سأل
اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة
ماجاش.


واحد مسطول راح صيدلية يشترى جبنة حاول الصيدلى يفهمة ان مفيش جبنه
بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع
هنا قال لة ياعم سيبك منة دا غبى ادينى بنص جنيه لانشون


اتنين مساطيل اتفقوا
انهم يسرقوا العماره اللى قدامهم فالحرامى الاول اقترح انهم يزقوا البيت الى مكان
بعيد وفاضى علشان يسرقوا براحتهم فخلعوا ملابسهم وفضلوا يزقوا فى البيت فات من
جنبهم واحد حرامى سرق الملابس فواحد منهم بص وراه ملقاش الهدوم قال بس كفايه كده
احنا بعدنا اوى


طلع مجموعة صيادين يصطادو وكل ما يصطادو حاجه كلابهم تجري
تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي
بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد
تاني أول ما ضرب نار الكلب اعد يزغرط


مرة واحد ركب دش فوق السطح فعلشان
ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ
ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع
بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ،
قالهم لأ أنا شوفت الطبق اللي بياكل فيه بس


اتنين صحاب واحد قال للتاني
اعلمك الرزالة وتعلمني الرخامة ؟؟ قاللوا ماشي راح صاحبه قال هي دي الرزالة وجاب
التليفون وطلب رقم غلط وقال هشام موجود ؟ قالوا له الرقم غلط طلب تاني هشام موجود ؟
قالوا الرقم غلط وكرر كده كذا مرة وقال هي دي الرزاله راح صاحبه قالله هات التليفون
وطلب نفس الرقم وقال انا هشام حد سال عليا ؟؟؟؟؟ وهي دي الرخامه


مرة واحد
بلطجي حب يتروشن كتب علي الشومة اديداس


واحد فافى وهو نازل من البيت أمه
سالته "رايح فين؟" فقال لها "مش هقولك انا حر" ، نزل ووقف تاكسى فالسواق ساله "على
فين يا باشا؟؟؟" قال له يعنى أنا مقولتش لمامي هقول لك أنت"



مره واحد
سايق عربيه شاف يافطه مكتوب عليها ( خفف 100 ك) راح مخفف 100 ك لقى يافطه تانيه
مكتوب عليها (خفف 50 ك) راح مخفف50ك لقى يافطه مكتوب عليها "اهلا بكم في مدينه
خفف"


واحد غبى بيحلق دقنه التليفون رن عور نفسه علشان لما يرجع يعرف هو وقف
لحد فين


مرة واحد راح يشترى ساعة لقاها غالية اشترى 5 دقايق

واحد
تاية بيسال واحد ماشي في الشارع اقرب طريق للمستشفي ايه قاله غمض عينك و عدي
الشارع


واحد بيقول لامه الراجل ده بيبوس اختى ليه قالت اصله هيتجوزها قالها
امال بابا هيتجوز الخدامه امتى


مرة ولد صغير راح لجارته وطلب منها انها
توريه لسانها فسألتة ليه: فقالها عشان ماما بتقول ان لسانك زي العقربة


مرة
واحد غبي راح للدكتور علشان يكشف علي ابنه.. الدكتور دخل مع الواد اوضة الكشف.. و
بعدها بربع ساعة طلع الدكتور و فال للراجل ابنك مات.. راح طلع الواد الصغير و قال
لابوه.... بابا بابا انا لس مامتش يابا.. راح ابوه قاله اسكت يا ولد انت هتعرف اكتر
من الدكتور


مره المدرس سأل الاطفال فى الفصل الى يفتكر نفسه غبى يقف ... بعد
شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه
التلميذ اصلي محبيتش اشوفك واقف لواحداك يا أستاذ


مره واحد جاب لممته دواء
يخليها ترجع 20 سنه وره فتانى يوم راح لها و قال : اه الحلاوه دى و مين العيل
الصغير ده قالت: يانهارى أصل أبوك شرب الدواه كله


ولد سأل مامته الحامل مشير
الى باطنها وقال مين ده يا ماما قالت له اخوك وقال الولد وانت بتحبيه؟ قالت له أيوة
فقال لها أمال اكلتيه ليه ؟


بلديتنا عايز يعلم ابنه انجليزى راح ابتدائي
منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة
من هناك عشان يعرف يتكلم انجليزى، راح فى الصباحية بيقولها "مستر هريدى موجود؟"
قلتلوا "نجولو مين؟"


مرة حلاق بيعلم ابنه الحلاقة فدخل زبون المحل يحلق دقنه
فقال لابنه "لو جرحت الراجل هاضربك" بدأ الابن فى الحلاقة فجرح الراجل فجاء الاب
ليعطيه بالكف فابعد الابن نفسه فضرب الزبون، ثم اكمل الابن فجرح الرجل مرة اخرى
وتكرر نفس الموقف، ثم جاءت المرة الثالثة وجرح الرجل فقال للولد "اسرع وخبا الجرح
قبل ان يراه ابوك"


مره واحد راح السرك وقرر انه يعمل حاجه مختلفه راح جاب
نمله وقعد يدربها10 سنين علشان تقف على رجل واحده فراح رايح لولد صغير فى الشارع
وقاله بص يا حبيبى النمله دى بتقف على رجل واحده فراح الولد مسك النمله وفعصها
وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح
لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله
دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من
10 سنين ان دى نمله


واحد راح لطبيب نفسانى وقاله "مشكلتى يادكتور انى باحس
ان الناس كلها مش طايقانى ومخنوقين منى" الدكتور للممرضة "بسرعة المريض اللى
بعده"



أغبيه راحو يلعبو بلياردو، واحد منهم وقف فوق الطرابيزة وقال لهم
انا الجوووون


مره واحد ندل فتح مصنع بيبسى وكتب على كل ازازه (رج جيدا قبل
الفتح)


واحد غبي فتح محل غاز..وعلشان يعمل دعاية للمحل..فجر اسطوانة
غاز


مدرس بيقول للتلاميذ اكتبوا ورايا ذهب محمد الي مصيف بلطيم يوم الاربعاء
فطالب سأله لو سمحت يا استاذ هي الهمزة علي السطر ولا علي ألف، سكت المدرس شوية
وبعدين قاله خلاص يا ابني خليها الخميس


واحد حرامى والتانى ندل فالندل بيقول
للحرامى علمنى السرقة فسرق محفظة واحد وقالوا اهوة علمنى انت باة الندالة، راح جه
مسكوا وقال حرامى


واحد غبي معاه 150 جنيه. قاعد يقسمهم ويقول 50 جنيه للسكن،
50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين
جنيه بتاعة البانجو


مرة واحد أحول عنده حمامة حولة حب يدخلها القفص حطها برة
القفص جت هى تهرب راحت داخلة جوة القفص


غبي معدي من امام مزرعة ابقار حب
يعرف ازاي البقر بيتزرع دخل يسال الراجل قاله تجيب شوية سكر وترشهم على الارض وتاني
يوم هتلاقي البقر طلع عمل الغبي زي ما الراجل قاله، صحي تاني يوم لقى نمل مكان
السكر فرح اوي وقال يا حلاوة ده البقر وهو صغير


مرة مدرس انجليزى طلعله
عفريت قاله بخ قاله اسبلها


مرة واحد راكب حمار فبيعدى على بنزينة لقا ايه
لقا ان العربيات كل ما يتحطلها بنزين تطلع تجرى راح دخل البنزينة وقال للراجل حط
للحمار عشرة لتر بنزين عشان يجرى اول مالراجل حط للحمار بنزين طلع يجرى ويرفس
ويتشنج وجرى بعيد قام الراجل قاله حطلى انا بقى عشرين عشان الحقه


اربعة
أغبياء عملوا عملية اختطاف فخطفوا فتاه واوقفوا تاكسى فسائق التاكسى قال:التاكسى ده
اربعه راكب بس قاموا سابوا الفتاه وركبوا هم


واحد ركب مترو الانفاق.. جاله
الكمسرى بيقول له تذاكر ... قال له امين شرطه..... سابه وراح للجانبه قال له: تذاكر
... قال له: امين عبد الجواد


مرة أغبية سافرو امريكا واحد منهم رجع والتانى
مرجعش... فواحد سألة فين صاحبك؟؟؟ قال له ده اول ما راح هناك اتجنن من ناحكات
السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال
له ومات ؟؟؟؟ قال له انت عايزه ينزل فى 3 ايام من غير اكل و لا شرب وما
يمتش


واحد غبي رجع من السفر لقى الشقة مليانه صراصير.. غير قفل
الباب


اتنين سكرانين بيتفرجو علي نشرة الاخبار فالاول بيقول للتاني هيه
النشره طولت اوي كده ليه، التاني قاللو اظاهر انها الحلقه الاخيره


تهنئة
محشش: بمناسبة عيد الام المبارك أهنئكم برمضان جعله الله عليكم زواجا سعيدا وكريسمس
خير وكل عام وانتم بخير بمناسبة السنة الجاية مع تحيات جمعية مرضى
الزهايمر


اتنين محششين بيتفرجو على مطش فالمزيع بيقول "دربكه فى الدفاع،
دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله
"إظاهر ان دربكه ده لعيب ميه ميه"


مرة واحد مسطول قابل واحد قاله الساعة كام
قاله خمسة وخمسة فرد عليه المسطول وقاله ما تعرفشى تقول عشرة وخلاص


مره
اتنين طلبه مساطيل قاعدين يكتبوا ورا الاستاذ فى املحاضره وكل ما الاستاذ يمسح
السبوره يقطعوا الورقه!!!!


مرة اتنيين مساطيل راكبين عربيه فواحد بيقول
للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة"
برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه
وقاله "اعملك ايه مش انت الي سايق"



نظرية مسطوول: العلم نور والنور
كهربة والكهربة خطر يبقى بنتعلم لية؟!


مره واحد مسطول قاعد بيحشش مع مراته
لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط
من الشباك؟؟؟؟؟؟؟؟؟؟؟؟؟؟



مسطول شاف لوحة على محل انترنت مكتوب عليها
"الساعة بعشرة جنيه" دخل للمحل وقال "هي ضد الميه"



مرة اتنين مساطيل
قاعدين قدام مراية فى واحد قال متيجى نسلم على الناس الى قاعدة هناك دى، المهم راحو
يسلموا فالتانى قاله اقعد اقعد اهم جايين يسلمو علينا


مرة اتنين مساطيل
ماشيين ف الشارع بالليل بعد ما خلصو قاعدتهم ..,وهمما ماشيين شافو اتنين مساطيل
قاعدين ع الرصيف وبيصطادو ف الاسفلت ,,,فالاول قال لزميله شوف الاتنين المساطيل
اللى بيصطادو ف الاسفلت دول .........,قاللو يا عم سيبك..قدف قدف..


محشش
قاعد يتفرج مباراة ريال مدريد ..سمع المذيع يقول فاول لصالح رونالدو قال : تصدقون
اليوم فقط عرفت ان اسم رونالدو الاول هو صالح


مره واحد مسطول رجع بيتهم
متأخر، اخته فتحتله قالها كنت فين يافاجرة لحد دلوقتي


صرصارين في العناية
المركزة الاولاني بيسأل التاني بيرسول قالة التاني لا قبقاب


مره صرصار طلع
من الخلاط قال يخرب بيت إللى يدخل الملاهى تانى


مره فى ثلاثه بنات ماشيين فى
الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا
عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان
ماشى وراهم وسمعهم ام راح يسلم عليهم ويقول انا العميد يونج يانج الشهير بابو
تريكا


فى مرة اثنين كدابين قوي قاعدين امام الاهرمات الاول قال للثانى تعرف
الهرم ده امى هى اللى بانيته فالتانى قاله تعرف البحر الميت قاله اه قاله اخواتى
هما اللى قتلوه


مرة واحد زعلان مع مراته كتب لها ورقة مكتوب فيها صحينى
الساعة 6 الصبح قام الساعة 11 لقا ورقة مكتوب عليها اوم اصحا الساعة 6


حرامى
دخل شقة علشان يسرق لقا واحدة تخينة اوى اعدت علية وقالت لابنها نادى ابوك من
القهوة فالحرامى قال :بسرعة يالا


بياع سمك ابنه مات . مشى فى الجنازة يقول
كان صاحى وبيلعب


واحد مدمن انترنت بيضطروا يدوله لنك فى الوريد ويشربوه شات
بلبن


مره واحد حب يشتري فراخ فراح عند دكان الفراخ وقال للراجل لو سمحت انا
عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور
التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه
فراجل قاله اطلع الدور التالت فراجل طلع الدور التالت فراجل تاني ساله عاوز الفراخ
متكيسه ولا لا قاله متكيسه فراجل قاله بص احنا معندناش فراخ بس ايه رايك في
النظام؟


مرة واحد كل لما يعدى من شارع يشوف واحد بيشرب سجارتين فساله مره
ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد
صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها
بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله
اصل انا بطلت


واحد بيحب يلعب بلاى استيشين ابنة مات كتب على قبرة game
over


مره واحد أهبل قال والله العظيم ما هنام الا اما اخلص
اللبانه


مدرس لغة عربية بيدى درس خصوصى لطالب والده جزار فطلب المدرس من
التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما
"بكون واقف فى المحل مع ابويا ينابيع يا ابويا يبيع"



مرة ثلاثة مجانين
الدكتور جاب ثلاث كبايات مياه فقال لهم "أغطسوا" غطس أتنين ولم يغطس الثالث وتوقع
الدكتور أنه خف فقال له "لماذا لم تغطس؟" قال له "خايف أغرق"



واحد راح
المترو قطع ثلاث تزاكر قابلة واحد قالة انت قاطع ثلاث تزاكر لية قالة عشان لو ضاعت
الاولى يبقى ماعاية التانية قالو لو ضاعت التانية قالة معايا التالتة قالة لو ضاعت
التالتة قالو ما تخفش معايا اشتراك



مرة اتنين ستات عواجيز نفسهم يتجوزوا
فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله:
تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة:
هوهو



واحد غبي طلع برج القاهرة في اخر دور وبص على الناس تحت لقاهم
صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل
للدور الارضي راح للراجل وحضنه وسلم عليه فساله الراجل انت تعرفني قال له طبعا يا
راجل ده انا اعرفك من وانت صغير قوي



الصداقة بين النساء : لم تعد الزوجة
بيتها ذات ليلة .. وفي اليوم التالي قالت لزوجها أنها كانت نائمة عند صديقة لها ..!
اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك
الليلة . الصداقة بين الرجال : لم يعد الزوج لبيته ذات ليلة ..وفي اليوم التالي قال
لزوجته أنه كان نائماً عند صديق له ..! اتصلت الزوجة بأفضل 10 أصدقاء للزوج لتتأكد
من صحة كلامه ... ثمانية منهم أكدوا أنه كان نائماً عندهم تلك الليلة .. فيما أقسم
اثنان أنه لا يزال عندهم إلى الآن



الله يرحم جمال عبد الناصر خرج
الانجليز من مصر ويرحم السادات خرج اليهود من مصر ويدى الصحه لحسنى مبارك خرج
المصريين من مصر



حسنى مبارك سرق مليون دولار وراح لشيخ الازهر عشان يخلى
السرقة دى حلال شيخ الازهر قالوا روح طوف حوالين الكعبة عشر مرات المليون دولار
هيبقوا حلال راح لقى نظيف بيطوف مية مرة قالوا يابن الحرامية كل دى سرقة قالوا يا
ريس علاء ابنك بقالوا شهر بيلف بموتسكل هنا


الرجوع الى أعلى الصفحة اذهب الى الأسفل
http://www-ibn-sina.blogspot.com/
حنين
عضو جديد
عضو جديد
حنين


عدد المساهمات : 16
تاريخ التسجيل : 16/02/2011
العمر : 34
نقاط : 24
انثى

 نكت جاااامدة 2011 Empty
مُساهمةموضوع: رد: نكت جاااامدة 2011    نكت جاااامدة 2011 I_icon_minitimeالخميس فبراير 17, 2011 2:47 pm

تسلم ايدك  نكت جاااامدة 2011 523135
الرجوع الى أعلى الصفحة اذهب الى الأسفل
admin
المدير العام
المدير العام
admin


زغلـــول مطـــــر
عدد المساهمات : 3462
تاريخ التسجيل : 28/03/2010
العمر : 37
نقاط : 8723
الموقع : http://slimmingworld2.blogspot.com/
ذكر

 نكت جاااامدة 2011 Empty
مُساهمةموضوع: رد: نكت جاااامدة 2011    نكت جاااامدة 2011 I_icon_minitimeالخميس فبراير 17, 2011 3:02 pm

اسعدني مرورك


 نكت جاااامدة 2011 Image-6A1A_4AF9C00E
الرجوع الى أعلى الصفحة اذهب الى الأسفل
http://www-ibn-sina.blogspot.com/
 
نكت جاااامدة 2011
الرجوع الى أعلى الصفحة 
صفحة 1 من اصل 1
 مواضيع مماثلة
-
»  ازيـاء 2011 & 2012
» اساااور 2011 & 2012
» فساتين سهرة 2011
» حلى جديد و حلى 2011 سريع و حلى هش حلو
»  فساتين سهرة 2011 & 2012

صلاحيات هذا المنتدى:لاتستطيع الرد على المواضيع في هذا المنتدى
منتدى سهر الليالي :: منتدى الضحك و الفرفشة-
انتقل الى: