دموع الحب
عضو نشيط
عدد المساهمات : 98
تاريخ التسجيل : 08/04/2010
نقاط : 170
 |  موضوع: عايش وحيد  الأحد فبراير 20, 2011 11:44 am | |
| عايش وحيد
والوحدة حرقة
ما بين موجة زرقا
وبين ناس مفارقة
كل اللي فاضل
قلم وورقة
وليه الفرقة
وكان حبي ليكي ما يتوصف
وانا باعترف
اني باموت في كل لحظة
عينك بعدت عن عينيا
صبحت ايديا
بارده من يوم الفراق
من يوم لما ايديكي سابتهم
وانا صايبني الهموم والداء
وانا تعبان
وانا حيران
ولا بيواسيني صاحب
ولا حاسس بيه جيران
انا زعلان
على كل لحظة من حياتي ضاعت
على واحدة باعت
ولا بلاش اتكلم عليكي كده
تعب الندا
اللي طلع من قلبي
يا حبيبتي ليكي
انا شكلي كده لسه باعشقك
وباموت فيكي
لكن كرامتي
فوق كل اعتبار
ورغم النار
بقت استحالة اني ارجع
او حتى اسمع
نداكي ليه في عز الليل
والصبر جميل
مسيري الاقي حد يحبني
ويداوي ما عملتيه معايا
يا غداره يا نسايه
ياللي وريتيني الويل
في دنيايه
سبتيني ف حيرة
ولا حس
ولا سيرة
ولا حتى قلب يحن عليه
وبإيديه
ارتميت في غربة صعبة
ولا حبيبة
ولا صاحبة
عارفه ايه مشكلتي انا
حبيت بجد
وكان الرد
واحدة ما تعرف ربنا
خيانة وغدر
وظلم للقلب الأخضر
اللي كان دايماً منور
كنور الفجر
كطفل رضيع
ما صدق ولقى له حجر
عشان يضمه
وف عز البرد يلمه
وكأنه حضن ابوه
أو حضن امه
وفجأة
انهارت شواط حبي
على أمواج بحر الخيانة
والإهانة
جرحتي كتير قلبي
كانت بتطلع منك
زي الدانة
تكسر حصون روحي
ونوحي
ما كان ليه يا حبيبتي فايدة
والنار اللي قايده
عمرها ما هاتنطفي
ولا حبي ليكي هايختفي
الا اما الاقي حد تاني
ما يكون اناني
ويكون بيعرف ربه
عشان احبه
ويحبني
وضمني
في عز الليل اللي انا
غرقان فيه
وف عز الحزن اللي
انا باحاول اداريه
واوعدك يا خنجر
اتغرس في قلبي
اني في يوم من الايام
هالاقيه
| |
|
سندريلا المنتدى
مشرفة منتدى المرأة
عدد المساهمات : 608
تاريخ التسجيل : 26/02/2011
العمر : 35
نقاط : 1144
| |
